بىزگە بەرگەن اقپاراتقا قاراعاندا لاۋازىم يەسى جەر تەلىمدەرىن ءبولۋ بويىنشا جەرگە ورنالاستىرۋ جوباسىن ازىرلەۋ جونىندەگى جالعان كەلىسىم-شارتقا قول قويىپ, ءبىر توپ سىبايلاستارىمەن ۇلەستىك كاسىپورىن ارقىلى 83 ميلليونتەڭگە مەملەكەت قازىناسىن قولدى ەتكەن. كۇدىكتىنىڭ ايەلى 19,5 ميلليون تەڭگەنى قولما-قول اقشاعا اينالدىرىپ جاتقان جەرىندە ۇستالعان. شەنەۋنىككە بۇلتارتپاس شاراسى قولدانىلىپ, ۋاقىتشا ۇستاۋ وقشاۋلاعىشىنا توعىتىلعان. زايىبى كىناسىن تولىق مويىنداعاندىقتان جانە كامەلەت جاسقا تولماعان ەكى بالاسى بارى ەسكەرىلىپ, قاماۋعا الىنعان جوق.
جاستارمەن كەزدەسۋدە ايماق باسشىسى قۇمار اقساقالوۆ سىبايلاس جەمقورلىقا وقيعاسىنا وراي پىكىر ءبىلدىرىپ, بۇل ءىس بويىنشا تەرگەۋ امالدارى جۇرگىزىلىپ جاتقانىن جەتكىزدى.
«قول استىنداعىلار سىبايلاس جەمقورلىققا قاتىستى بولسا, باسشىلار قىزمەتىنەن كەتۋى كەرەك. بۇل–پرەزيدەنت قاسىم-جومارت توقاەۆتىڭ ۇستانىمى. باسقارما جەتەكشىسى ەسكەن اكىمجانوۆ ءتيىستى تۇردە قاداعالاۋ جاساي الماعانىن مويىنداپ, ونىڭ ءوز ەركىمەن وتستاۆكاعا كەتۋ تۋرالى ءوتىنىشىن قابىلدادىم», دەدى قۇمار ىرگەباي ۇلى.
سولتۇستىك قازاقستان وبلىسى