- وسكەلەڭ ۇرپاققا پاتريوتتىق تاربيە بەرۋ-بۇگىنگى يدەولوگيا سالاسىنداعى جۇمىستىڭ باستى باعىتتارىنىڭ ءبىرى. بۇل تۇرعىدا اسكەري دايىندىق ەرەكشە ورىن الادى, سەبەبى ءاربىر مەملەكەتتە ەلدىڭ ىشكى جانە سىرتقى قاۋىپسىزدىگىن قامتاماسىز ەتۋگە جەكە كوڭىل بولىنەدى, - دەدى №49 ورتا مەكتەپتىڭ ديرەكتورى گۇلفاريزا توقتىباەۆا.
«شىعىس» اسكەري-پاتريوتتىق كلۋبى تاربيەلەنۋشىلەرىنىڭ ايتۋىنشا, ولار اك-74 اۆتوماتىن بولشەكتەۋ جانە جيناۋ, جالپى اسكەري قورعانىس جيناعىن كيۋ بويىنشا نورماتيۆتەردى ورىنداۋ, زاقىمدانعان جەر ۋچاسكەسىن ەڭسەرە وتىرىپ, كەدەرگىلەر جولاعىنان ءوتۋ, راديوستانتسيامەن جۇمىستاردى ورىنداۋ سياقتى كونكۋرستاردا ۇزدىك ناتيجەلەر كورسەتكەن.
سونىمەن قاتار, جيىن بارىسىندا جاسوسپىرىمدەر كۇشتىك جاتتىعۋلاردا كۇش پەن توزىمدىلىگىن سىنعا سالسا, ال قىزدار كەشەندى كۇشتىك جاتتىعۋلاردى ورىنداۋدا سايىستى, دەدى «شىعىس» وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتەنانت يسلامبەك قالدىبەكوۆ.
- جاستار جيىنىنىڭ ارقاسىندا ءبىز قىزىقتى ادامدارمەن, تانىمال قوعام قايراتكەرلەرىمەن كەزدەسىپ, جاڭا دوستار مەن تانىستاردى تاپتىق. ولارمەن تانىسقاننان كەيىن مەن ءبىزدىڭ ەلىمىزدىڭ ءار ايماعىنداعى ادامداردىڭ ءارتۇرلى ەكەنىنە كوز جەتكىزدىم. بىراق ءبىر نارسە ءبىزدى قۋانتادى, بۇل بارلىعىنىڭ ءوز وتانىنا دەگەن ماحابباتى, - دەپ «شىعىس» اسكەري-پاتريوتتىق كلۋبىنىڭ تاربيەلەنۋشىسى بالعىن ەسەنتاەۆا دا ءوز اسەرىمەن ءبولىستى.
جارىستى جالپى كوماندالىق جانە جەكە سىناقتا جەڭىمپاز اتانعان بالالارعا گراموتالار, مەدالدار, كۋبوكتار جانە ەستەلىك سىيلىقتار تابىس ەتىلگەن.
ەستەرىڭىزگە سالا كەتەيىك, «ايبىن» اسكەري-پاتريوتتىق جيىنى ەلىمىزدە جاستاردىڭ اسكەري-پاتريوتتىق تاربيەسىن جەتىلدىرۋ ماقساتىندا جاستار جىلى اياسىندا وتكىزىلدى. جيىنعا قاتىسۋشىلار قازاقستان ارمياسىنىڭ اسكەري تەحنيكاسى مەن قارۋ-جاراعىنىڭ زاماناۋي ۇلگىلەرىن كوردى.
«شىعىس» وڭىرلىك قولباسشىلىعى ءباسپاسوز قىزمەتىنىڭ جەتەكشىسى, اعا لەيتەنانت يسلامبەك قالدىبەكوۆتىڭ ايتۋىنشا, ۇيىمداستىرۋشىلار Aibyn jalyny الاۋ جاعۋ ءراسىمىن دە وتكىزگەن ەكەن. وندا جيىنعا قاتىسۋشىلار قورعانىس مينيسترلىگىنىڭ وكىلدەرىمەن, قاراعاندى وبلىسى اكىمدىگىنىڭ باسشىلىعىمەن, سونداي-اق «گولوس دەتي» كونكۋرسىنىڭ قاتىسۋشىسى ەرجان ماكسيممەن, شاحماتتان بەس دۇركىن الەم چەمپيونى ءبيبىسارا اساۋباەۆامەن, مەنتالدىق اريفمەتيكادان الەم چەمپيونى ا.ماحمەتتەرمەن كەزدەسىپ, ەرەكشە رۋحاني كۇش-قايرات الىپ قايتىپتى.
راۋشان نۇعمانبەك,
«ەgemen Qazaqstan»