مەملەكەتتىك قىزمەتشى كۇنى قارساڭىندا «ۇزدىك مەملەكەتتىك قىزمەتشى» رەسپۋبليكالىق كونكۋرسىنىڭ فينالدىق كەزەڭى ءوتتى. ماڭعىستاۋ وبلىسىنان كونكۋرستىڭ وبلىستىق كەزەڭىندە ۇزدىك دەپ تانىلعان 7 اكىمشىلىك مەملەكەتتىك قىزمەتشى قاتىستى.
رەسپۋبليكالىق كوميسسيا رەسپۋبليكانىڭ ءار وڭىرىنەن كەلگەن 10 مەملەكەتتىك قىزمەتشىنى ۇزدىك دەپ تانىدى. ماڭعىستاۋدىڭ ەكى اكىمشىلىك مەملەكەتتىك قىزمەتشىسى ۇزدىكتەر قاتارىنان كورىندى.
ماڭعىستاۋ وبلىسى اكىمى اپپاراتى باسشىسىنىڭ ورىنباسارى اسەل بالمانوۆا اۋىلدىق دەڭگەيدەگى اكىمدەردى باعالاۋ بويىنشا ۇسىنعان جوباسى كوميسسيا تاراپىنان قىزىعۋشىلىق تۋعىزدى. سونداي-اق مۇنايلى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ سەكتور مەڭگەرۋشىسى راۋشان كەسىكباەۆانىڭ بۇرىنعى سوتتالعانداردى الەۋمەتتىك بەيىمدەۋ ماسەلەسى بويىنشا جوباسى دا ۇزدىك جوبالاردىڭ ءبىرى رەتىندە تانىلدى.
وتكەن جىلى دا ماڭعىستاۋ وبلىسىنىڭ ەكى اكىمشىلىك مەملەكەتتىك قىزمەتشىسى ۇزدىك جيىرمانىڭ ىشىنەن كورىنگەن بولاتىن.