«Nur Otan» پارتياسى الماتى قالالىق فيليالى ساياسي كەڭەسىنىڭ مۇشەسى, قازاقستان جوعارعى وقۋ ورىندارى اسسوتسياتسياسىنىڭ باس ديرەكتورى بوريس جاپاروۆ سايلاۋ ناتيجەلەرى قازاقستاننىڭ ىشكى تۇراقتىلىعىن قامتاماسىز ەتەتىن نەگىزگى فاكتور ەكەنىن اتاپ ءوتىپ, بەيبىتشىلىك پەن كەلىسىم سالتانات قۇرعان قوعامنىڭ ەرەكشەلىگىنە توقتالدى. - جاڭا تاريحي كەزەڭنىڭ باستاۋى بولعان بۇل ماڭىزدى سايلاۋعا بارلىق پارتيالار مەن قوعامدىق ۇيىمدار وزدەرىنىڭ لايىقتى ۇلەستەرىن قوستى. ەل تاعدىرىن ايقىنداعان ساياسي ماسەلەدە حالقىمىز ءوزىنىڭ جوعارى ساياسي مادەنيەتى مەن وركەنيەتتىلىگىن تانىتتى», - دەدى ءوز سوزىندە بوريس جاپاروۆ.
كواليتسيا مۇشەلەرى ءتيىمدى ديالوگ پەن ءتۇرلى ساياسي كۇشتەردىڭ ءوزارا قارىم-قاتىناسىنىڭ مودەلىنە اينالىپ ۇلگەرگەن ءداستۇرلى وتىرىستا ەل دامۋىنىڭ وزەكتى ماسەلەلەرىن كوتەردى. «اق جول» دەموكراتيالىق پارتياسى الماتى قالالىق فيليالىنىڭ توراعاسى نۇرلان جازىلبەكوۆ حالقىمىزدىڭ تاتۋلىعى, ىنتىماعى, بىرلىگى سياقتى دەموكراتيالىق قۇندىلىقتار بارشا قازاقستاندىقتاردىڭ ورتاق رۋحاني جەتىستىگى ەكەندىگىنە توقتالىپ, ەلىمىزدە ازاماتتىق قوعامدى دامىتۋ جولىندا جاسالىپ جاتقان ماڭىزدى قادامداردىڭ جالعاسى رەتىندە پرەزيدەنت باستاماسىمەن قۇرىلعان ۇلتتىق قوعامدىق سەنىم كەڭەسى الداعى ۋاقىتتا ەل دامۋىنا جاڭا سەرپىن بەرەتىندىگىن اتاپ ءوتتى.
ءوز كەزەگىندە «اۋىل» حالىقتىق-دەموكراتيالىق پاتريوتتىق پارتياسى الماتى قالالىق فيليالىنىڭ توراعاسى ابدۋللا ساپاروۆ ەل دامۋىنا باعىتتالعان ناقتى باعدارىمىزدا بىرلەسكەن كۇش-جىگەردىڭ قاجەتتىگىنە نازار اۋدارسا, قازاقستان كوممۋنيستىك حالىق پارتياسى الماتى قالالىق كوميتەتىنىڭ ەكىنشى حاتشىسى لەيلا تولەۋعاليەۆا, «Nur Otan» پارتياسى الماتى قالالىق ماسليحاتىنداعى دەپۋتاتتىق فراكتسياسى باسشىسىنىڭ ورىنباسارى روزا باداەۆا, اۋعان سوعىسى ارداگەرلەرى مەن اۋعان سوعىسى مۇگەدەكتەرى قوعامدىق بىرلەستىكتەرىنىڭ ۇيلەستىرۋ كەڭەسىنىڭ توراعاسى مۇرات ابدۋشۋكۋروۆ قوعامنىڭ بەلسەندىلىگى مەن ۇيىمشىلدىعى ەل دامۋىنا سەرپىن بەرەتىندىگىنە توقتالدى.
وتىرىس سوڭىندا كواليتسيا مۇشەلەرى بارلىق قوعامدىق-ساياسي كۇشتەردى سايلاۋدان كەيىنگى كەزەڭدە ەلىمىزدىڭ ستراتەگيالىق ماقساتتارى جولىندا بىرىگۋگە باستاعان, تۇراقتى جانە كونسترۋكتيۆتى ديالوگ قۇرۋ باستاماسىن قولداۋعا شاقىرعان ۇندەۋ