باتىس قازاقستان وبلىسى پروكۋراتۋراسىنىڭ كاسىپكەرلەردىڭ قۇقىقتارىن قورعاۋ بويىنشا قاداعالاۋ قىزمەتى ەلباسىنىڭ قازاقستان حالقىنا جولداۋىندا باياندالعان تالاپتار جانە اكىمشىلىك توسقاۋىلداردى جويۋ, رۇقسات بەرۋ ۇدەرىستەرىن قىسقارتۋ بويىنشا تاجىريبەلەردى ەنگىزۋ تۋرالى ءىس-شارالاردىڭ جالپىۇلتتىق جوسپارى نەگىزىندە قۇرىلدى.
اتالعان مەرزىم ىشىندە كاسىپكەرلەر قۇقىقتارىنىڭ ساقتالۋىنا بايلانىستى 39 تەكسەرۋ ءجۇرگىزىلىپ, 186 قۇقىق بۇزۋشىلىق انىقتالدى. بىرنەشە ادام ءتۇرلى جاۋاپكەرشىلىكتەرگە تارتىلىپ, 50 كاسىپكەردىڭ كونستيتۋتسيالىق قۇقىقتارى قورعالدى.
تالداۋ كورسەتكەندەي, باقىلاۋشى ورگانداردىڭ تاراپىنان كورىنىس تاپقان كەمشىلىكتەردىڭ كوبىن تەكسەرۋ جۇرگىزۋدىڭ ءتارتىبىن ساقتاماۋ, باقىلاۋشى-رۇقسات بەرۋ ۇدەرىسىن جۇرگىزۋ كەزىندە, سونىمەن قاتار جەر تەلىمدەرىن بەرۋ تۋرالى ءماسەلەلەردى شەشۋ, مەملەكەتتىك ساتىپ الۋ سالاسىندا جانە اكىمشىلىك جاۋاپكەرشىلىككە تارتۋ كەزىندەگى زاڭ بۇزۋشىلىقتار قۇرايدى.
ورال قالاسى پروكۋرورىنىڭ قاۋلىسى بويىنشا ورال قالالىق مەملەكەتتىك سانيتارلىق-ەپيدەميولوگيالىق قاداعالاۋ باسقارماسىنىڭ مامانى تەكسەرۋ ءتارتىبىن بۇزعانى ءۇشىن اكىمشىلىك جاۋاپكەرشىلىككە تارتىلدى, سەبەبى ول ءبىر سۋبەكتىنىڭ قىزمەتىنە تەكسەرۋ ءجۇرگىزۋدى تىركەپ, قوسىمشا 7 كاسىپكەردىڭ قىزمەتىن زاڭسىز تەكسەرگەن, ناتيجەسىندە سوڭعىلار اكىمشىلىك جاۋاپكەرشىلىكتەرگە تارتىلعان. ەندى بۇل قاۋلىلار پروكۋروردىڭ نارازىلىعى بويىنشا زاڭسىز دەپ تانىلىپ, كۇشى جويىلدى. سول سياقتى سالىق ورگاندارىن تەكسەرۋ قورىتىندىسى بويىنشا 33 كاسىپكەردىڭ قۇقىقتارى قورعالدى, ولاردىڭ م ۇلىكتەرىنە, سالىق بەرەشەگىنىڭ جوقتىعىنا قاراماستان, سالىق ورگاندارىمەن شەكتەۋلەر قويىلعان.
كاسىپكەرلەر قۇقىقتارىنىڭ بۇزىلۋ فاكتىلەرىن تەز ارادا جويۋ ماقساتىندا وبلىس پروكۋرورىنىڭ وكىمىمەن جۇمىلعىش توپ قۇرىلدى. ونىڭ مىندەتى – انىقتالعان قۇقىق بۇزۋشىلىق فاكتىلەرىنە ۋاقىتىندا جاۋاپ بەرۋدى قامتاماسىز ەتۋ بولىپ تابىلادى. قالا جانە اۋدانداردا سايكەسىنشە جۇمىس توپتارى قۇرىلدى. كاسىپكەرلەر سەنىم تەلەفونى ارقىلى زاڭسىز نەمەسە نەگىزسىز جۇرگىزىلگەن تەكسەرۋلەر تۋرالى حابارلاي الادى.
سونىمەن قاتار تابيعي مونوپوليالار سۋبەكتىلەرى سالاسىندا زاڭدىلىقتىڭ جاعدايىن قورىتۋ بارىسىندا ەنەرگيا جەتكىزۋشى ۇيىم “اقجايىقەنەرگوساۋدا” جشس زاڭدى تۇلعالاردىڭ اتىنا بىرنەشە رەت ءبىر اي كولەمىندە ەسەپتەگىش قۇرالدار قويۋ تۋرالى ەسكەرتۋلەر جىبەرىپ, ەگەر قويماعان جاعدايدا ەلەكتر ەنەرگياسىنان ايىرۋمەن قورقىتىپ وتىرعانى انىقتالدى.
اتالعان ارەكەتتەر زاڭسىز دەپ تانىلدى.
اسپەنبي جارىلعاسوۆ, باتىس قازاقستان وبلىسى پروكۋرورىنىڭ ورىنباسارى, اعا ادىلەت كەڭەسشىسى. ورال.