18 ماۋسىم كۇنى تاڭەرتەڭ فرانتسۋز پوليتسياسى پاريج ماڭىندا جۇرگەن ءپلاتينيدى تۇتقىندادى. ەۋروپا فۋتبولىنىڭ بۇرىنعى جەتەكشىسىن قاماۋعا الۋ 2022 جىلعى فۋتبولدان الەم چەمپيوناتىنىڭ ۇيىمداستىرۋشى ەلىن سايلاۋمەن بايلانىستى. ءتۋرنيردى وتكىزۋدى كاتار جەڭىپ العان.
الەم بىرىنشىلىگىن وتكىزۋگە اقش, وڭتۇستىك كورەيا, اۆستراليا جانە جاپونيا مەملەكەتتەرى قىزىعۋشىلىق تانىتقان.
كاتاردىڭ ءتۋرنيردى ۇيىمداستىرۋىنا سىبايلاس جەمقورلىقتىڭ قاتىسى بار دەپ ايىپ تاعىلدى. وسى ءىس بويىنشا فۋتبول قاۋىمداستىقتارىنىڭ حالىقارالىق فەدەراتسياسى (فيفا) ەكى جىل بويى تەرگەۋ جۇرگىزدى, بىراق سوڭىندا تاعىلعان ايىپتار الىنىپ تاستالدى.
2015 جىلدىڭ جەلتوقسانىندا ميشەل پلاتيني سەگىز جىلعا فۋتبولدان شەتتەتىلىپ, سىبايلاس جەمقورلىققا قاتىستى ايىپ تاعىلعان. كەيىنىرەك فيفا-نىڭ ەتيكا جونىندەگى كوميتەتى ديسكۆاليفيكاتسيا كەزەڭىن التى جىلعا قىسقارتىپ, تاعىلعان ايىپتارىنان بوساتىلعان.
اسەم تاڭاتار,
ەۇۋ-ءدىڭ جۋرناليستيكا فاكۋلتەتى ستۋدەنتى