شارا ەكى جەردە - 14 شاعىن اۋدان "استانا" ساۋدا ورتالىعىنىڭ الدىندا جانە 7 شاعىن اۋدان "ماڭگىلىك الاۋ" مونۋمەنتى جانىندا ءوتتى. سونداي-اق, اكتسيا دەپارتامەنتتىڭ Facebook جانە Instagram رەسمي سايتتارى ارقىلى تىكەلەي ەفيردە جۇرگىزىلدى.
بۇل ءىس-شاراعا دەپارتامەنت باسشىسى قانات دانيار ۇلى تايمەردەنوۆ جانە ءاپب, جپق, كوشى-قون قىزمەتى باسقارماسىنىڭ باسشىلىعى مەن قىزمەتكەرلەرى قاتىستى. ازاماتتاردىڭ كوپتەگەن ساۋالدارى كولىكتى تىركەۋ, جۇرگىزۋشى كۋالىگىن اۋىستىرۋ, ازاماتتىق الۋ, جول بەلگىلەرىن جاڭارتۋ, ايىپپۇلدار تولەۋ تۋرالى بولدى. تەك الەۋمەتتىك جەلىلەردە قويعان سۇراقتارعا عانا جاۋاپ بەرىلە قويماي, قاۋىرت جەلى ارقىلى تۇسكەن ساۋالدارعا دا جاۋاپ بەرىلدى. اكتسيامەن قاتار, ۋچاسكەلىك پوليتسيا ينسپەكتورلارى شاعىن اۋدان تۇرعىندارىمەن كەزدەسىپ, ولاردىڭ سۇراقتارىنا تولىققاندى جاۋاپ بەردى. ماسەلەن, جاياۋ جۇرگىنشىلەر وتكەلىن ورناتۋ تۋرالى وتىنىشىمەن قالا تۇرعىنى وبلىستىق پد باستىعىنا جۇگىندى, بۇل ماسەلە شەت قالعان جوق. قانات دانيار ۇلى تۇرعىنمەن بىرگە 14 شاعىن اۋدان "نەيرون" جەكە ەمحاناسىنىڭ جانىنداعى قيىلىسقا بارىپ, جول بەلگىلەرىن جانە جاساندى كەدىر-بۇدىرلىقتاردى ورناتۋعا ناقتى نۇسقاۋلار بەردى.