جوبانىڭ قۇرىلتايشىسى – بەلگىلى مەتسەنات ءتوكەن تانا ۇلى. جوبانى ىسكە اسىرۋشىلاردىڭ ايتۋىنشا, مۇندا ءبىر مەزەتتە 1500-2000 ادام دەمالۋعا ءمۇمكىندىك بار. اۋماعى – 5,7 گەكتار. جوبانىڭ جالپى قۇنى 1 ملرد 250 ملن تەڭگە دەپ باعالانىپ وتىر. بادام سۋ قويماسى ماڭىنان ورىن تەپكەن بۇل ايماقتا بارلىق جاعداي قاراستىرىلعان. رەكرەاتسيالىق ايماق جىل بويى ۇزدىكسىز جۇمىس ءىستەيدى. الدا دەمالىس ايماعىنىڭ جانىنان تاعى دا بىرقاتار جوبا قولعا الىنباق.
جاڭا نىساننىڭ سالتاناتتى اشىلۋ راسىمىندە دانات ەسبول ۇلى قالا اكىمىنىڭ قۇتتىقتاۋىن جەتكىزدى. دەمالىس ايماعى قالانىڭ تۋريزم سالاسىنىڭ دامۋىنا ۇلەس قوسىپ, باسەكەلەستىك ورتا قالىپتاستىراتىنىنا سەنىم ءبىلدىردى. قازاق ەلىنىڭ تۇڭعىش عارىشكەرى توقتار اۋباكiروۆ تە دەمالىس ايماعىنىڭ ەل يگىلىگىنە جۇمىس ىستەي بەرۋىنە تىلەكتەستىگىن ءبىلدىردى.
نۇرشات توكەن
شىمكەنت