كەڭەس وتىرىسىنا قاتىسقان قر سىرتقى ىستەر ءمينيسترى بەيبىت اتامقۇلوۆ مەملەكەت باسشىسى قاسىم-جومارت توقاەۆتىڭ ۇلىقتاۋ راسىمىندە سويلەگەن سوزىندە مەملەكەتتىك ساياساتتى ىسكە اسىرۋداعى قوعامنىڭ ءرولىن ارتتىرۋدىڭ ماڭىزدىلىعىن ەرەكشە اتاپ وتكەندىگىنە باسا نازار اۋداردى.
«مەملەكەت ازاماتتىق قوعامدى دامىتۋعا زور كوڭىل بولەتىن بولادى. سوندىقتان ءبىز ءۇشىن كەڭەس مۇشەلەرىنىڭ اسا وزەكتى ماسەلەلەردى تالقىلاۋعا بەلسەندى اتسالىسىپ, سىرتقى ىستەر مينيسترلىگى قابىلدايتىن شەشىمدەرگە ساراپتامالىق باعا بەرۋى وتە ماڭىزدى», - دەدى مينيستر.
وتىرىس كۇن تارتىبىنە سايكەس قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ شەتەلدىك ينۆەستيتسيالار تارتۋ جانە قازاقستاندىق تاۋارلاردىڭ ەكسپورتىن ىلگەرىلەتۋ سالالارىنداعى قر ءسىم قىزمەتىنىڭ جاڭا باسىمدىقتارى جونىندە بايانداما جاسادى.
باياندامادا 2018 جىلى تارتىلعان ينۆەستيتسيالار بويىنشا كورسەتكىشتەر تۋرالى تولىق اقپارات ۇسىنىلدى. اتاپ ايتقاندا تىكەلەي شەتەلدىك ينۆەستيتسيالاردىڭ جالپى اعىنى 15,8%-عا ءوسىپ, 24,3 ملرد. اقش دوللارىن قۇرادى. 2019 جىلعى قاڭتار-ساۋىردە نەگىزگى كاپيتالعا باعىتتالعان ينۆەستيتسيا كولەمى 6,7%-عا ءوسىپ, 2,9 ترلن. تەڭگەنى قۇرادى. ولاردىڭ ىشىندە سىرتقى ينۆەستيتسيالار نەگىزگى كاپيتالعا قۇيىلعان ينۆەستيتسيالار جالپى كولەمىنىڭ 36%-ىن (1,05 ترلن تەڭگە) قۇرايدى.
قازاقستاننىڭ ينۆەستيتسيالىق احۋالىن جاقسارتۋ بويىنشا اتقارىلىپ جاتقان جۇمىس جونىندە ايتا كەلە ە.كوشەرباەۆ سىرتقى ساياسي ۆەدومستۆونىڭ ينۆەستورلاردىڭ اقپاراتتىق-كونسۋلتاتسيالىق كومەككە عانا ەمەس, سونداي-اق مەملەكەتتىك قىزمەتتەرگە قول جەتكىزۋىن قامتاماسىز ەتەتىن جانە جوبالاردى باستاپقى كەزەڭنەن تولىق ىسكە اسىرۋعا دەيىن سۇيەمەلدەۋدىڭ بىرىڭعاي الاڭى بولاتىن فرونت-كەڭسەلەر قۇرۋ بويىنشا جۇمىس جۇرگىزىپ جاتقاندىعىن اتاپ ءوتتى.
ءمينيستردىڭ ورىنباسارى قر شەت ەلدەردەگى مەكەمەلەرى ينۆەستيتسيالار تارتۋ جۇيەسىن جەتىلدىرۋ جونىندەگى دامىعان ەلدەردىڭ ۇزدىك تاجىريبەلەرىن جانە ەىدۇ ۇسىنىمدارىن ەسكەرە وتىرىپ, جاڭا تاسىلدەردى انىقتاۋ باعىتىندا شەتەلدە بىرقاتار ءىس-شارالار جۇرگىزىپ جاتقاندىعىن دا تىلگە تيەك ەتتى.
سىرتقى ىستەر مينيسترلىگىنىڭ سىرتقى ەكسپورتتى جىلجىتۋداعى رولىنە قاتىستى ە. كوشەرباەۆ ءسىم جانىندا قۇرىلعان پراكتيكالىق شارالاردى ازىرلەۋگە جانە جەدەل تۇردە اقپارات الماسۋعا باعىتتالعان شيكىزاتتىق ەمەس ەكسپورتتى جىلجىتۋ ماسەلەلەرى بويىنشا ارنايى ۆەدومستۆوارالىق جۇمىس توبى جۇمىس ىستەيتىنىن ايتتى.
ازاماتتىق قوعام تاراپىنان شەتەلدىك ينۆەستيتسيالاردى تارتۋ تۋرالى «قازاقستاننىڭ ينتەرنەت اسسوتسياتسياسى» زتۇ پرەزيدەنتى شاۆكات سابيروۆ بايانداما جاسادى. ساراپشى ءوز بايانداماسىندا قازاقستانداعى ەكسپورتتىق رەسىمدەۋگە نازار اۋدارىپ, ولاردى جەڭىلدەتۋگە قاتىستى بىرقاتار ۇسىنىستار جاسادى.
بۇدان ءارى سىرتقى ىستەر ءمينيسترىنىڭ ورىنباسارى رومان ۆاسيلەنكونىڭ «قازاقستان رەسپۋبليكاسى سىرتقى ساياساتىنىڭ جاڭا تۇجىرىمداماسى» اتتى تاقىرىپتاعى بايانداماسى تىڭدالدى. ول وتىرىسقا قاتىسۋشىلارعا قۇجاتتىڭ جاڭا رەداكتسياسى بويىنشا جۇرگىزىلگەن جۇمىس جونىندە ايتىپ بەردى.
ءمينيستردىڭ ورىنباسارى قازاقستاننىڭ الداعى ۋاقىتتا دا الەمنىڭ بارلىق مەملەكەتتەرىمەن تەڭ ارىپتەستىك قارىم-قاتىناستاردى دامىتۋعا باعىتتالعان سىرتقى ساياسي باعىت جۇرگىزەتىنىن اتاپ ءوتتى. بۇل تەزيس قر پرەزيدەنتى ق.-ج.توقاەۆتىڭ ۇلىقتاۋ سوزىندە قازاقستاننىڭ ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆ باستاپ بەرگەن كونسترۋكتيۆتى, تەڭدەستىرىلگەن, كوپۆەكتورلى سىرتقى ساياسي باعىتتى جالعاستىرادى دەپ ايتقان پوزيتسياسىمەن تولىق ۇيلەسەدى.
«تۇجىرىمدامانىڭ مازمۇنىندا ەلباسى مەن مەملەكەت باسشىسىنىڭ سىرتقى ساياساتتىڭ ەكونوميكالىق باعىتىن كۇشەيتۋ جونىندەگى تاپسىرمالارى ەسكەرىلگەن... وندا تسيفرلى ترانسفورماتسيا, «جاسىل تەحنولوگيالاردى» دامىتۋ, «جۇمساق كۇشتى» كەڭىنەن قولدانۋ سياقتى جاھاندىق ترەندتەر كورىنىس تاپتى. قۇجاتقا حالىقارالىق قاتىناستاردىڭ بىتىمگەرشىلىك جانە مەدياتورلىق سياقتى جاڭا نىساندار ەنگىزىلگەن», - دەدى ر.ۆاسيلەنكو.
مينيستر ورىنباسارىنىڭ ايتۋىنشا, مۇددەلى ورگاندارمەن كەلىسىلگەننەن كەيىن ءماتىن كوپشىلىكتىڭ تالقىلاۋىنا سالۋ ماقساتىندا ءسىم ۆەب-سايتىنا ورنالاستىرىلعان.
پىكىرتالاس بارىسىندا كەڭەس مۇشەلەرى ينۆەستيتسيالىق احۋالدى جاقسارتۋ, شەتەلدىك كاپيتالدى تارتۋداعى قر ءسىم جۇمىسىن جانداندىرۋ جونىندە بىرقاتار ۇسىنىستار ايتىپ, سىرتقى ساياساتتىڭ جاڭا تۇجىرىمداماسىنىڭ جوباسىنا قاتىستى كونسترۋكتيۆتى تالقىلاۋ جۇرگىزدى.
قر ءسىم قىزمەتى ماسەلەلەرى جونىندەگى قوعامدىق كەڭەستىڭ كەزەكتى وتىرىسى 2019 جىلدىڭ كۇزىنە جوسپارلانعان.