دەنيس تەن 1993 جىلى 13 ماۋسىمدا الماتىدا دۇنيەگە كەلگەن. ول 2009 جىلى الەم چەمپيوناتىنا العاش رەت قاتىسىپ, ۇزدىك ون مانەرلەپ سىرعاناۋشىنىڭ قاتارىنا كىردى. وسىلايشا قازاقستانعا ۆانكۋۆەر وليمپياداسىنا قوس بىردەي جولداما الىپ بەردى. 2010 جىلعى وليمپيادادا ەڭ جاس قاتىسۋشى بولعانىنا قاراماستان, ون ءبىرىنشى ورىننان كورىندى.
2010 جىلى دەنيس باپكەرىن اۋىستىردى. ەلەنا بۋليانوۆادان يۋري گۋسكوۆقا كەتتى. سول جىلى جازدا سپورتشى كاليفورنياعا قونىس اۋدارىپ, لوس-اندجەلەستە امەريكالىق باپكەر فرەنك كەروللدىڭ كومانداسىندا جاتتىعا باستادى.
2011 جىلدىڭ اقپانىندا قازاقستاندا وتكەن ءVىى قىسقى ازيا ويىندارىندا دەنيس تەن التىن جۇلدەنى الدى.
كانادادا وتكەن الەم چەمپيوناتىندا دەنيس ءوزىنىڭ جەكە رەكوردىنا – 266,48 بالعا قول جەتكىزدى. ەركىن باعدارلامادا ۇزدىك شىعىپ, قورىتىندىدا كانادالىق پاتريك چاننان نەبارى 1,3 بالعا قالىپ, كۇمىس جۇلدەنى ەنشىلەدى. ءسويتىپ قازاقستاندىق مانەرلەپ سىرعاناۋشىلار اراسىندا العاش رەت الەم چەمپيوناتىنىڭ جۇلدەگەرى اتاندى.
ەسكە سالساق, قازاقستاندىق مانەرلەپ سىرعاناۋشى دەنيس تەن 19 شىلدە كۇنى پىشاق جاراقاتىنان قازا بولعان ەدى.