قازاقستانا اتىنان ءسوز سويلەگەن «كazarh tourism» ۇلتتىق كومپانياسى باسقارما توراعاسىنىڭ ورىنباسارى تيمۋر دۇيسەنعاليەۆ قازاق ءتۋريزمى ءۇشىن جاڭا باعىتتاردىڭ بەتالىسى بايقالا باستاعانىن, قوناق ءۇي ءتۋريزمىنىڭ جاڭا مۇمكىندىكتەرى جايلى تىلگە تيەك ەتىپ ءوتتى: تيمۋر تالاش ۇلىنىڭ پايىمداۋىنشا, ءبىز بيزنەستىڭ وسى ءتۇرىنىڭ مۇمكىندىگىن كەڭىنەن پايدالا الماي وتىرمىز. مىسالى, قازاقستاننىڭ وزبەكستانمەن, قىرعىزستان نەمەسە رەسەيمەن شەكارالاس ايماقتارىندا قوناق ءۇي بيزنەسى ءوز الەۋەتىندە دامىپ وتىر دەپ ايتا المايسىڭ: مىسالى, سولتۇستىك قازاقستان وبلىسىنىڭ ورتالىعىندا قازاق-رەسەي بيزنەس فورۋمدارى ءجيى ءوتىپ تۇرادى. الداعى ۋاقىتتا مۇنداي فورماتتا وتەتىن جيىندارعا الىس-جاقىن ەلدەردىڭ دەلەگاتسيالارى قاتىسىپ, ءوزىنىڭ فورماتىن كەڭىتۋى ابدەن مۇمكىن. ال وبلىس ورتالىعىندا حالىقارالىق تالاپتارعا جاۋاپ بەرەتىن قوناق ءۇي مۇلدەم از. مىسالى, وتكەن فورۋمداردىڭ بىرىندە ەكى ەلدەن كەلگەن دەلەگاتتاردىڭ سانى 5 مىڭنان اسىپ كەتكەندە وبلىس باسشىلارى ولاردى قايدا قوندىرارىن بىلمەي ابىگەرگە ءتۇسىپ قالعان كورىنەدى. «قازىر تۋريزم سالاسىنىڭ مۇمكىندىكتەرى ءارتاراپتاندىرىلدى: 2019 جىلدىڭ اياعىنا دەيىن استانادا «كوشپەندىلەر» شىعىس قازاقستان وبلىسىندا «التىن ادام» فەستيۆالىن وتكىزۋ جوسپاردا بار. استانانىڭ ءبىر مەزگىلدە بىرنەشە جۇزدەگەن مىڭ قوناقتى كۇتىپ-الىپ, شىعارىپ سالۋعا مۇمكىندىگى بار. سوندىقتان شىعىس وڭىرىندەگى قوناق ءۇي بيزنەسىنىڭ الەۋەتىن قايتا قاراپ, قوسىمشا قارجىلاندىرۋ تۋرالى ۇسىنىس ەنگىزدىك», -دەيدى تيمۋر دۇيسەنعاليەۆ.
فورۋم قوناقتارىنىڭ اسىعا كۇتكەن ءفورۋمنىڭ ەكىنشى پلەنارلى سەسسياسىندا ءسوز سويلەگەن تۇركيالىق ساراپشى, «Kilit Hospitaly Group» توبىنىڭ جەتەكشىسى تولگا كيليت جينالعانداردى تۇركيا ءتۋريزمى تابىسىتىلىعىنىڭ سىرىمەن ءبولىستى: ونىڭ پايىمداۋىنشا, تۋريزم دەر كەزىندە قورەكتەندىرىپ, قۋراپ قالعان تامىرلارىن كەسىپ تاستاعاندا عانا جاڭا بۇتاقتار ءوسىپ شىعاتىن الىپ اعاش ءتارىزدى. تۋريمزم نەمەسە قوناق ءۇي بيزنەسىنىڭ دامۋى ءۇشىن ينفراقۇرىلىم نەمەسە مەنەدجمەنت مۇلدەم از.
«ماعان الىس-جاقىن شەتەلدەردىڭ تۋريزم يندۋسترياسى جاقسى تانىس. باسىم كوپشىلىگىندە قوناق ءۇي سەرۆيىزى دەپ سۇلگى نەمەسە حالاتتاردى الىستان اربالاپ الىپ كەلگەنگە باسىمدىق بەرەدى. بۇل قىزمەت كورسەتۋ باعاسىنا اسەر ەتەدى. ال ءتۋريستتى ءبىرىنشى كەزەكتە بارعان ەلىنىڭ تابيعاتى نەمەسە ارحيتەكتۋراسى قىزىقتىرادى. ال قالعاندارىنىڭ ءبارى ەكەنشى كەزەكتە. ءبىز تۋريزممەن بىرگە جەڭىل ونەركاسىپتى دە, كالە-سىي بيزنەسىن دە قاتار دامىتۋعا تارىستىق. قازىر تۇركيادا جوعارى ساناتتاعى قوناق ۇيلەرى بار كاسىپكەرلەرىڭ باسىم كوپشىلىگى جەڭىل ونەركاسىپ سياقتى بىرنەشە بيزنەس ءتۇرىن قاتار الىپ ءجۇر» دەپ ءسوزىن ءبىر ءتۇيىپ ءوتتى تولگا كيليت. ودان ءارى تۇركيالىق قوناق ءوز ەلىندە تاريحي جانە مادەني تۋريزم ترەندتكە اينالىپ كەلە جاتاقانىن دا ايتىپ ءوتتى. سوڭعى ونشاقتى جىلدىڭ بەدەرىندە تۇركيا, تۇرىك سۇلتاندارى تاريحىنا قىزىعۋشىلىق تانىتا باستاعانداردىڭ قاتارى ەسەلەپ كوبەيىپ كەتىپتى:
«تۇركيا ءتۋريزمىنىڭ التىن عاسىرى ەندى تۋدى. تۇركيا مادەني جانە تاريحي ءتۋريزمنىڭ دامۋى ءۇشىن جىل سايىن 20 ملرد اقش دوللارىن بولۋگە شەشىم قابىلدادى», -دەپ ءسوزىن قورتىندىلادى تولگا كيليت.
فورۋم جۇمىسى جالعاسىپ جاتىر
الماتى