ادامداردىڭ ساناسىن تۇمانداتىپ, اقىل-ەسىنەن ايىراتىن پسيحوتروپتىق زاتتاردى ساتۋ قانشا جەردەن توسقاۋىل قويىلسا دا باسەڭدەر ەمەس. وڭايدان ولجا ىزدەگەندەر بۇل ءىسىنىڭ زاڭ الدىندا دا, جاراتقان الدىندا دا قىلمىس ەكەندىگىن بىلگەنىمەن تار پەيىلدەرىنە توقتام سالا المايتىن سىڭايلى.
جاڭاقورعان اۋدانى, بىرلىك اۋىلىنان شىققان كۇماندى ماشينا تۋرالى الدىن الا حاباردار بولعان پوليتسەيلەر اۆتوكولىكتى توقتاتقاندا سەزىكتەرىنىڭ الداماعانىنا كوزى جەتتى. پاكەتكە ورالعان ءشوپ ۇنتاعى دالانىڭ جابايى ءشوبى ەمەس ەكەن.
«ول زات جۇرگىزۋشى ورىندىعىنىڭ استىنان تابىلدى. ءشوپ ۇنتاعىنا ءتيىستى ساراپتاما تاعايىندالدى. قورىتىندى بويىنشا پوليەتيلەن پاكەتكە سالىنعان ۇنتاق سالماعى 1268,92 كەلىنى قۇرايتىن ماريحۋانا ەكەنى انىقتالدى», - دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتى.
اتالعان دەرەك بويىنشا كۇدىكتىنىڭ ۇستىنەن قر قىلمىستىق كودەكسىنىڭ 296-بابىنىڭ 4-بولىگىمەن سوتقا دەيىنگى تەرگەۋ-تەكسەرۋ امالدارى جۇرگىزىلگەن ەدى. ەندى ول اۋداندىق سوتتىڭ ۇكىمىمەن 3 جىلعا باس بوستاندىعىنان ايىرىلدى.
قىزىلوردا وبلىسى