جارقىن بولاشاق ءۇشىن داۋىس بەرىلگەن تاريحي كۇن

بۇگىنگىنىڭ بۇلكىلى, بۇكىل ەل قۇلاق تۇرگەن جەر-جەردەگى داۋىس بەرۋ پروتسەسى تۋرالى ەلورداداعى ورتالىق سايلاۋ كوميسسياسىنان حابار تاراتىلدى. سايلاۋ ساعاتى سوعىپ تۇرعان وسى كۇننىڭ ءار ءساتى سايلاۋشىلاردىڭ بەلسەندىلىگىمەن ءول­شەندى. مەملەكەت ىرگەسىنىڭ مى­عىم­دىعى مەن حالقىنىڭ ءبىر­تۇتاس­تىعىنىڭ كورى­نىسىندەي قازاقستان كارتاسى بەينەلەنگەن ەكراندا وڭىرلەردەگى سايلاۋ بارىسى كەزەڭ-كەزەڭىمەن نازارعا ۇسىنىلدى.

7.15. – سايلاۋ ۋچاسكەلەرىنىڭ ەسىگى ايقارا اشىلدى. كەشە قازاق­­ستان­­داعى پرەزيدەنت سايلاۋى جەر­­گى­­لىكتى ۋاقىت بويىنشا تاڭ­عى ساعات 06.00-دە باستال­دى. ورتا­لىق ساي­لاۋ كوميسسياسى ءتور­اعا­­سى­­نىڭ ورىن­باسارى كونستانتين پەتروۆ ساي­لاۋ ۋچاسكەلەرىنىڭ سايلاۋ­شى­لار­دى قابىلداۋعا دايىن ەكەنىن ءما­لىم­دەدى. ونىڭ ايتۋىنشا, «قازاق­­ستان رەسپۋبليكاسىنداعى ساي­­لاۋ تۋرالى» كونستيتۋتسيالىق زاڭ­­نىڭ 8-بابى 1-تارماعىنا سايكەس پر­ەزي­­دەنت سايلاۋى ۋاقتىلى باستالدى.

اتالعان زاڭ­ناما بويىنشا سايلاۋ كوميسسيالارى داۋىس بەرۋ باستالماستان ءبىر ساعات بۇ­رىن ۋچاسكەلەردى اشۋعا كىرىستى. سول سياق­تى داۋىس بەرۋ كەزەڭىنە 30 مينۋت قال­عاندا سايلاۋ كوميس­سيالارىنىڭ توراعا­لارى كوميسسيا مۇشەلەرىنىڭ قاتى­سۋىمەن داۋىس بەرۋ جاشىكتەرىندە بيۋل­لەتەندەردىڭ بار-جوعىن قاراپ, ونىڭ بۇتىندىگىن تەكسەرىپ, ءجا­شىك­تەردى داۋىس بەرۋ ءۇشىن بەكى­تىپ, مورلەپ قويدى. ساي­لاۋ ۋچاس­كەلەرىنىڭ توراعالارى بيۋل­لە­­تەن­دەردى سايلاۋشىلارعا بەرەتىن كوميسسيا مۇشەلەرىن دە ايقىندايدى. «وسىلايشا تۇسكەن اقپاراتتارعا سايكەس نۇر-سۇلتان ۋاقىتى بويىنشا ساعات 07.00-دە 8 023 ۋچاسكەدە داۋىس بەرۋ باستالدى. داۋىس بەرۋگە كىرىس­كەن ۋچاسكەلەردىڭ ىشىندە 48 سايلاۋ ۋچاسكەسى سايكەسىنشە اۋماق­تىق سايلاۋ كوميسسياسىنىڭ شەشى­مى­مەن داۋىس بەرۋگە ساعات 06-00-دەن باستاپ كىرىستى. اتالعان ۋچاسكە­لەر­دى سايلاۋشىلار تىزىمىنە ەنگىزىلگەن سايلاۋشىلاردىڭ سانى 9 627 073 ادامدى قۇرادى», دەدى ءتور­اعا ورىنباسارى. ال باس­قا ساعات بەلدەۋىندە جاتقان 4 ءوڭىر­دە داۋىس بەرۋ نۇر-سۇلتان ۋاقى­تى­نان ءبىر ساعات كەيىن باستالدى. ولار – اتىراۋ, اقتوبە, باتىس قازاق­ستان, ماڭعىستاۋ وبلىستارى.

8.15. – داۋىس بەرۋ قارقىن الدى. ورتالىق سايلاۋ كوميسسيا­سى­نىڭ حاتشىسى ءسابيلا مۇستا­فينا تاڭەرتەڭگى ساعات 8.00-دە ەلىمىز ايماقتارىنداعى بارلىق ۋچاسكەلەردە داۋىس بەرۋ قارقىن العانىن جەتكىزدى. بۇل كەزدەگى ايماقتار ۇسىنعان اقپارات بويىنشا 9920 سايلاۋ ۋچاسكەسى داۋىس بەرۋ ءراسىمىن باستادى. ونىڭ ىشىندە شەتەلدەگى 15 مەم­لە­كەت­تىڭ ىشىندە 17 سايلاۋ ۋچاسكەسى بار. ولار – وڭتۇستىك كورەيا, جاپونيا, قىتاي, مالايزيا, موڭعوليا, سينگاپۋر, تايلاند, يندونەزيا, قىرعىزستان, رەسەي, ءۇندىستان, پاكىستان, تۇرىكمەنستان, وزبەك­ستان جانە تاجىكستان. ال جالپى تىزىمگە ەنگەن سايلاۋشىلار سانى 11 947 995 بولعان. ونىڭ ايتۋىنشا, ۋچاس­كە­لىك سايلاۋ كوميسسيالارى ەسەپتەن شىعارۋ كۋالىگىن 35 951 ادامعا بەرگەن. بۇل ەسەپتەن شىعارۋ كۋالىكتەرىن العان سايلاۋشىلار كەز كەلگەن باسقا سايلاۋ ۋچاسكەسىندە جەكە كۋالىگى مەن ەسەپ­تەن شىعارۋ كۋالىگىن كورسەتۋ ارقىلى داۋىس بەرە الادى.

تۇسىنىكتى بولۋ ءۇشىن ايتا كەتەر ءبىر جايت, بۇدان بۇرىن قازاق­ستان رەسپۋب­لي­كاسى ورتالىق سايلاۋ كوميسسياسى­نىڭ وتىرىسىندا جەكەلەگەن سايلاۋ ۋچاس­كەلەرىندە داۋىس بەرۋدىڭ وزگە كەستە­سىن ايقىنداۋ ماسەلەسى قارالعان ەدى. سوندا اۋماقتىق سايلاۋ كوميسسيالارى كەيبىر سايلاۋ ۋچاسكەلەرىندە دا­ۋىس بەرۋ ۋاقىتىن تاڭعى ساعات 06.00-دەن باستاپ بەلگىلەۋ تۋرالى زاڭناماعا سايكەس قابىلدانعان شەشىمدەر تۋرالى باياندالعان. وسىعان سايكەس 48 ساي­لاۋ ۋچاسكەسى جەرگىلىكتى ۋاقىتپەن تاڭ­عى 7-دە ەمەس, 06.00-دە اشىلدى. ال ءاس­كە­ري بولiمدەردە, دەمالىس ءۇي­لەرiندە, سانا­توريلەردە, تۇراق­تى ەمدەۋ-پروفي­لاك­تيكالىق مەكە­مەلەرiندە, تەرگەۋ يزولياتور­لارى مەن ۋاقىتشا ۇستاۋ يزولياتور­لارىندا قۇرىلعان سايلاۋ ۋچاس­كەلەرىندە ەگەر تiزiمگە ەنگiزiلگەن سايلاۋشىلاردىڭ ءبارi داۋىس بەرسە, ۋچاسكەلiك سايلاۋ كو­ميس­سياسى داۋىس بەرۋدi كەز كەلگەن ۋا­قىتتا اياقتالدى دەپ جاريالاي الادى.

وسى­لايشا سايلاۋ كۇنى ەلىمىز جانە شەتەلدەردە 9967 سايلاۋ ۋچاسكەسى جۇمىس ىستەيتىن بولدى. بارلىق دەڭگەيدەگى سايلاۋ ورگاندارى داۋىس بەرۋ كۇنى بارلىق سايلاۋ راسىمدەرىن قاتاڭ ساقتاۋعا ءتيىس. بۇل ورايدا داۋىس بەرۋ قۇپياسى قامتاماسىز ەتىلەدى. ال داۋىستاردى ساناۋ پروتسەدۋراسى بارىنشا اشىق جۇرگىزىلىپ, الدىن الا داۋىس بەرۋ قورىتىندىلارى قىسقا مەرزىمدە جاريالانادى.

10.00. – اقمولالىق سايلاۋشىلار تاڭەرتەڭنەن ەرتە قامداندى. وسى ۋاقىت­قا دەيىن داۋىس بەرۋگە كەلگەن ەلدەگى سايلاۋشىلار تۋرالى ورتالىق سايلاۋ كوميسسياسىنىڭ مۇشەسى اقىلبەك يح­دانوۆ ايتىپ بەردى. ونىڭ ايتۋىنشا, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ سايلاۋ كوميسسيالارىنىڭ ۇسىنعان ءمالى­مەتتەرىنە سايكەس 2019 جىلعى 9 ماۋ­سىم ساعات 10.00-دەگى جاعداي بويىنشا تىزىمگە ەنگىزىلگەن ساي­لاۋشىلاردىڭ 12,8%-ى سايلاۋ بيۋللەتەندەرىن العان. ولاردىڭ ىشىندە: اقمولا وبلىسى بويىنشا – 20,5%; اقتوبە وبلىسى بويىنشا – 16,0%; الماتى وبلىسى بويىنشا – 17,7%; اتىراۋ وبلىسى بويىنشا – 8,5%; شىعىس قازاقستان وبلىسى بو­يىنشا – 15,5%; جامبىل وبلىسى بو­يىنشا – 18,5%; باتىس قازاقستان وبلىسى بويىنشا – 7,4%; قاراعاندى وبلىسى بويىنشا – 10,1%; قىزىلوردا وبلىسى بويىنشا – 11,1%; قوستاناي وبلىسى بويىنشا – 12,8%; ماڭعىستاۋ وبلىسى بويىنشا – 9,7%; پاۆلودار وبلىسى بويىنشا – 11,4%; سولتۇستىك قازاقستان وبلىسى بويىنشا – 14,2%; تۇركىستان وبلىسى بويىنشا – 14,5%; نۇر-سۇلتان قالاسى بويىنشا – 10,3%; الماتى قالاسى بويىنشا – 4,1 % جانە شىمكەنت قالاسى بويىنشا – 11,9%. بۇل كورسەتكىش بويىنشا اقمولا وبلىسى كوش باستادى.

12.00. – اقتوبە وبلىسى العا شىقتى. اراعا ەكى ساعات سالىپ ورتالىق سايلاۋ كوميسسياسىنىڭ مۇشەسى ءلاززات سۇلەيمەن 12.00.-دەگى جاعداي بويىنشا تىزىمگە ەنگىزىلگەن سايلاۋشىلاردىڭ 35,1%-ى سايلاۋعا قاتىسقانىن حابارلادى. ولاردىڭ ىشىندە: اقمولا وبلىسى بويىنشا – 45,9%; اقتوبە وبلىسى بو­يىنشا – 50,3%; الماتى وبلىسى بو­يىنشا – 47,3%; اتىراۋ وبلىسى بويىنشا – 33,5%; شىعىس قازاقستان وبلىسى بو­يىنشا – 44,8%; جامبىل وبلىسى بو­يىنشا – 43,7%; باتىس قازاقستان وبلىسى بويىنشا – 26,1%; قاراعاندى وبلىسى بويىنشا – 29,6%; قىزىلوردا وبلىسى بويىنشا – 39,3%; قوستاناي وبلىسى بويىنشا – 35,5%; ماڭعىستاۋ وبلىسى بويىنشا – 29,3%; پاۆلودار وبلىسى بويىنشا – 36,0%; سولتۇستىك قازاقستان وبلىسى بويىنشا – 33,9%; تۇركىستان وبلىسى بويىنشا – 30%; نۇر-سۇلتان قالاسى بويىنشا – 24,6%; الماتى قالاسى بويىنشا – 19,0% جانە شىم­كەنت قالاسى بويىنشا – 24,6% حالىق داۋىس بەرگەن.

12.15. – ۇگىت-ناسيحات ءجۇر­گىزۋگە جول بەرىلمەيدى. بۇدان كەيىن ءسوز العان باس پروكۋروردىڭ ورىنباسارى بولات دەمباەۆ سايلاۋ كۇنى جۇرگىزىلگەن كەز كەلگەن ۇگىت-ناسيحاتقا تىيىم سالىناتىنىن ايتتى. بۇل ءۇشىن اكىمشىلىك جاۋاپقا تارتىلادى. ماسەلەن, اكىمشىلىك قۇقىق بۇزۋشىلىق كودەكستىڭ 102-بابى بو­يىنشا جەكە تۇلعالار ءۇشىن 15 ايلىق ەسەپتىك كورسەتكىش, ال زاڭدى تۇلعالار ءۇشىن 30 ايلىق ەسەپتىك كورسەتكىش ايىپ­پۇل بەلگىلەنگەن. دەگەنمەن, مۇنداي تىيىمدارعا قاراماستان كەيبىر ازاماتتار جاسىرىن تۇردە ۇگىت جۇرگىزۋدە. كەيبىر ازاماتتار داۋىس بەرگەن بيۋللەتەندەرىن سۋرەتكە ءتۇسىرىپ, وزدەرىنىڭ كىمگە داۋىس بەرگەندەرىن جاريالاۋدا. بۇل دا ۇگىتتىڭ ءبىر ءتۇرى. سونداي-اق كوميسسيا وتى­رىس­تارى­نىڭ قاۋلىلارىن جاريالاۋ دا كەز­دەسىپ قالۋدا. بۇل دا بولسا جاسىرىن تۇردە ۇگىت جۇرگىزۋدىڭ كەپىلى.

«اتالعان قاۋلى سايلاۋ اياق­تالعان سوڭ كورنەكتى جەرگە ىلىنسە دە ونى سايلاۋ بارىسى تو­لىق اياقتالماي, ياعني 22.00.-گە دەيىن بۇقارالىق اقپارات قۇرال­­دارىندا جاريالاۋعا بولماي­دى. سوندىقتان سايلاۋ بارى­سىندا سايلاۋ تۋرالى زاڭ­داعى بار تالاپتار مۇلتىكسىز ساق­تالۋى ءتيىس. ويتكەنى وسىنداي كەز كەلگەن فاكتىلەر بويىن­شا تەك­سەرىس جۇرگىزىلىپ, شارا قول­دانى­لادى. جالپى داۋىس بەرۋ كۇنىن­دە بارلىق وتىنىشتەر دەرەۋ قارا­لادى. ال تۇتاستاي العان­دا ەلدەگى جاعداي بويىنشا داۋىس بەرۋ تىنىش ءوتىپ جاتىر. جاپپاي داۋىس بەرۋ كەزىندە قوعام­دىق ءتارتىپتى ورەسكەل بۇزۋ كورىنىس الماعان», دەدى ب.دەمباەۆ. وسىلايشا پروكۋراتۋرا وكىلى سايلاۋ كەزىندە جاسىرىن ۇگىت-ناسيحات جۇرگىزۋگە جول بەرىلمەيتىندىگىن ەسكەرتتى.

14.00. – داۋىس بەرگەندەر 51,8%-دى قۇرادى. ورتالىق ساي­لاۋ كوميس­سياسى­نىڭ مۇشەسى زاۋرەش بايمولدينا وبلىس­تاردىڭ, رەسپۋبليكالىق ماڭى­زى بار قالالاردىڭ, استانانىڭ سايلاۋ كوميسسيالارىنىڭ ۇسىنعان مالىمەت­تەرىنە سايكەس 14.00-دەگى جاعداي بويىنشا تىزىمگە ەنگىزىلگەن سايلاۋشىلاردىڭ 51,8%-ى سايلاۋ بيۋللەتەندەرىن العانىن جەتكىزدى. ولاردىڭ ىشىندە: اقمولا وبلىسى بويىنشا – 56,7%; اقتوبە وبلىسى بويىنشا – 69,4%; الماتى وبلىسى بو­يىنشا – 63,0%; اتىراۋ وبلىسى بويىنشا – 45,4%; شىعىس قازاقستان وبلىسى بويىنشا – 59,8%; جامبىل وبلىسى بو­يىنشا – 56,3%; باتىس قازاقستان وبلىسى بويىنشا – 40,9%; قاراعاندى وبلىسى بويىنشا – 49,7%; قىزىلوردا وبلىسى بويىنشا – 63,1%; قوستاناي وبلىسى بويىنشا – 55,8%; ماڭعىستاۋ وبلىسى بويىنشا – 52,4%; پاۆلودار وبلىسى بويىنشا – 45,9%; سولتۇستىك قازاقستان وبلىسى بويىنشا – 53,6%; تۇركىستان وبلىسى بويىنشا – 49,3%; نۇر-سۇلتان قالاسى بويىنشا – 37,6%; الماتى قالاسى بويىنشا – 37,0%; شىمكەنت قالاسى بويىنشا 40,5% بولدى. بۇل ۋاقىتتا اقتوبە وبلىسى كوش باسىنداعى ورنىن ساقتاپ قالدى.

15.00. – قوعامدىق ءتارتىپ قاتاڭ قاداعالانۋدا. ارادا ءبىر ساعات وتكەندە ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ سايلاۋ كەزىندەگى قوعامدىق ءتارتىپتىڭ قاداعالانۋى جونىندە اقپارات بەردى. ونىڭ ايتۋىنشا, سايلاۋ تۋرالى زاڭعا سايكەس قۇقىق قورعاۋ ورگاندارى سايلاۋ كەزىندە قۇقىقتىق ءتارتىپتى قامتاماسىز ەتەدى. وسىعان بايلانىستى بيىل 7-11 ماۋسىم ارالىعىندا ىشكى ىستەر ورگاندارىنىڭ جەكە قۇرامى كۇشەيتىلگەن كەستەدە جۇمىس ىستەۋدە. سونداي-اق وسى باعىتتا اكىمشىلىك جانە مەملەكەتتىك ورگاندارمەن بىرلەسىپ, ارنايى شتابتار قۇرىلدى. قوعامدىق ورىندارداعى قاۋىپسىزدىكتى 10 مىڭ پوليتسيا قىزمەتكەرى جانە ۇلتتىق ۇلان اسكەرى قامتاماسىز ەتۋدە. سايلاۋ ۋچاسكەلەرىن ۋاق­تىلى باقىلاۋ ءۇشىن ءاربىر قالا­لىق, اۋداندىق ورگانداردا ءموبيلدى جەدەل تەرگەۋ توپتارى قۇرىلدى. ولاردىڭ قۇرامىنا پروكۋراتۋرا قىزمەتكەرلەرى دە كىردى. ازاماتتار مەن سايلاۋ كوميسسيالارىنىڭ كەز كەلگەن ارىزدارى بويىنشا ىشكى ىستەر ورگاندارى دەر كەزىندە جاۋاپ قاتۋ ءۇشىن شارالار قابىلداپ جاتىر. جالپى ساعات 15.00-گە دەيىنگى سايلاۋ ۋچاسكەلەرىندەگى جاعداي تۇراقتى. قوعامدىق ءتارتىپتى بۇزۋشىلىق فاكتىلەرى تىركەلگەن جوق. سايلاۋ كوميسسيالارىنا ارىزدار كەلىپ تۇسپەدى. تەك سايلاۋ جاشىگىن بۇلدىرگەن ءبىر-ەكى وقيعالارعا قاتىستى تەكسەرۋ شارالارى جۇرگىزىلگەن.

16.00. – سايلاۋشىلاردىڭ بەلسەندى­لىگى ارتتى. سايلاۋ كۇنى ساعات 16.00-گە دەيىن ەلىمىز بويىنشا سايلاۋشىلاردىڭ 65,9%-ى سايلاۋعا قاتىستى. بۇل تۋرالى رەسپۋبليكالىق ماڭىزى بار قالالاردىڭ, استانانىڭ سايلاۋ كوميسسيالارىنىڭ ۇسىنعان مالىمەتتەرىنە سۇيەنىپ, ورتالىق سايلاۋ كوميسسياسىنىڭ مۇشەسى ءلاززات سۇلەيمەن حابارلادى. ناقتىراق ايت­قاندا, وسى ۋاقىتقا دەيىن اقمولا وبلىسىندا – 75,1%; اقتوبە وبلىسىندا – 79,7%; الماتى وبلىسىندا – 78,9%; اتىراۋ وبلىسىندا – 64,9%; شىعىس قازاقستان وبلىسىندا – 69,8%; جامبىل وبلىسىندا – 71,8%; باتىس قازاقستان وبلىسىندا – 59,8%; قاراعاندى وبلىسىندا – 63,1%; قىزىلوردا وبلىسىندا – 64,5%; قوستاناي وبلىسىندا – 69,7%; ماڭعىستاۋ وبلىسىندا – 60,3%; پاۆلودار وبلىسىندا – 67,9%; سولتۇستىك قازاقستان وبلىسىندا – 68,3%; تۇركىستان وبلىسىندا – 70%; نۇر-سۇلتان قالاسىندا – 49,6%; الماتى قالاسىندا – 45,7% جانە شىمكەنت قالاسىندا 55,6% سايلاۋ­شى سايلاۋ ۋچاسكەلەرىنە كەلگەن.

18.00. – الماتى وبلىسى – ءبىرىنشى ورىندا. ساعات ءتىلى 18.00-ءدى كورسەت­كەن­گە دەيىنگى دەرەك بويىنشا ەلىمىزدەگى سايلاۋشىلاردىڭ 72,9 پايىزى ءوز تاڭداۋلارىن جاسادى. بۇل تۋرالى ور­تالىق سايلاۋ كوميسسياسىنىڭ مۇشەسى باقىت مەلدەشوۆ مالىمدەدى. ولاردىڭ ىشىندە اقمولا وبلىسى بويىنشا – 81%, اقتوبە وبلىسى بويىنشا – 84,1%, الماتى وبلىسى بويىنشا – 86,3%, اتىراۋ وبلىسى بويىنشا – 71,1%, شىعىس قازاقستان وبلىسى بويىنشا – 77,2%, جامبىل وبلىسى بويىنشا – 73,8%, باتىس قازاقستان وبلىسى بويىنشا – 66,2%, قاراعاندى وبلىسى بويىنشا – 72,8%, قىزىلوردا وبلىسى بويىنشا – 69,1%, قوستاناي وبلىسى بويىنشا – 81,1%, ماڭعىستاۋ وبلىسى بويىنشا – 65,7%, پاۆلودار وبلىسى بويىنشا – 73,1%, سولتۇستىك قازاقستان وبلىسى بويىنشا – 75,7%, تۇركىستان وبلىسى بويىنشا – 78,8%, نۇر-سۇلتان قالاسى بويىنشا – 63,7%, الماتى قالاسى بو­يىنشا – 49,2%, شىمكەنت قالاسى بويىنشا 63,6% تىركەلگەن ادام سايلاۋعا كەلدى.

19.00. – شەتەلدەردە 8 مىڭ­نان اسا قازاقستاندىق داۋىس بەردى. بۇل تۋرالى سىرتقى ىستەر ءمينيسترىنىڭ ورىنباسارى رومان ۆاسيلەنكو باياندادى. ونىڭ ايتۋىنشا, بيىل­عى 9 ماۋسىمداعى دەرەكتەرگە ءساي­كەس شەتەل­دەگى سايلاۋشى­لار تىزىمىنە 15 349 ازامات تىركەلگەن. 12 ۋچاس­كە­دە قازاقستاننىڭ قوعامدىق ءبىر­لەس­تىك­تەرى مەن كوممەرتسيالىق ۇيىم­دارى­نان جانە تمد ميسسيا­سىنان 35 باي­قاۋ­شى قاتىسىپ جاتىر. نۇر-سۇلتان قالا­سىنىڭ ۋاقىتىمەن ساعات 19.00.-دە شەتەلدەردە 8322 قازاقستاندىق داۋىس بەردى. بۇل شەتەلدەگى تىزىمگە ەنگەن سايلاۋشىلاردىڭ 54,2 پايىزىن قۇرايدى. سونىمەن قاتار ۆيتسە-مينيستر ۋاقىت ايىر­ما­شى­لىعىنا بايلانىستى ازيادا ورنالاسقان سايلاۋ ۋچاسكەلەرى جۇمىستارىن اياقتاپ, داۋىستاردى ساناۋعا كىرىسكەنىن ايتتى. نۇر-سۇلتان ۋاقىتىمەن 17.00.-دە ۆاشينگتون, نيۋ-يورك جانە وتتاۆاداعى سايلاۋ ۋچاسكەلەرى سوڭعى بولىپ اشىلدى. داۋىس بەرۋ قورىتىندىسى شىعارىلعان­نان كەيىن تۇپنۇسقا قۇجاتتاردى ەسىل اۋداندىق سايلاۋ كوميسسياسىنا جەدەل جەتكىزۋ سىرتقى ىستەر مينيسترلىگىنە تاپسىرىلادى.

20.00. – ەلىمىزدىڭ 12 وڭىرىندە داۋىس بەرۋ اياقتالدى. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 38-بابى­ 1-تارماعىنا سايكەس پرەزيدەنت سايلاۋىندا داۋىس بەرۋ سايلاۋ كۇنىندە جەرگىلىكتى ۋاقىت بويىنشا ساعات 20.00.-گە دەيىن وتكىزىلەدى. تەك نۇر-سۇلتان قالاسىنىڭ ۋاقىتى بويىنشا داۋىس بەرۋ باتىستىڭ ءتورت وڭىرىندە جانە قىزىلوردا وبلىسىنداعى 1 899 ۋچاسكەدە ساعات 21.00-دە بىتەدى. سونىمەن قاتار 40 ەلدەگى 51 شەتەلدىك ۋچاسكەدە داۋىس بەرۋ ءجۇرىپ جاتىر. بۇل تۋرالى ورتالىق سايلاۋ كوميسسياسىنىڭ حاتشىسى ءسابيلا مۇستافينا مالىمدەدى. وڭىرلەردەن جەتكەن دەرەك بويىنشا سايلاۋشىلاردىڭ 77%-ى سايلاۋ بيۋللەتەندەرىن الدى. ولاردىڭ ىشىندە اقمولا وبلىسىندا  – 83%, اقتوبە وبلىسىندا – 84,6%, الماتى وبلىسىندا – 89%, اتىراۋ وبلىسىندا – 71,2%, شىعىس قازاقستان وبلىسىندا – 84,5%, جامبىل وبلىسىندا – 81,3%, باتىس قازاقستان وبلىسىندا – 66,2%, قاراعاندى وبلىسىندا – 77,1%, قىزىلوردا وبلىسىندا – 77,6%, قوستاناي وبلىسىندا – 84%, ماڭعىستاۋ وبلىسىندا – 68,3%, پاۆلودار وبلىسىندا – 79,5%, سولتۇستىك قازاقستان وبلىسىندا – 79,8%, تۇركىستان وبلىسىندا – 84,8%, نۇر-سۇلتان قالاسىندا – 68,3%, الماتى قالاسىندا – 52,2%, شىمكەنت قالاسىندا 67,1% داۋىس بەرىلگەن.

20.30. – ورەسكەل قۇقىق بۇزۋشىلىق تىركەلگەن جوق. سايلاۋ ۋچاسكەلەرىندەگى جاعداي قالىپتى, دەگەنمەن سايلاۋ زاڭ­ناماسىن بۇزۋدىڭ 19 فاكتىسى انىق­تالعان. بۇل تۋرالى ەلىمىزدىڭ باس پروكۋراتۋراسى قوعامدىق مۇددەنى قور­عاۋ قىزمەتىنىڭ باسشىسى ساپاربەك نۇر­پەيىسوۆ مالىمدەدى. اتاپ ايتقاندا, بىرنەشە بيۋللەنتەن بەرۋ ارەكەتى بويىنشا 12 ءىس, ەكى نەمەسە ودان كوپ بيۋللەتەن سالۋدىڭ, باسقا سايلاۋشى ءۇشىن داۋىس بەرۋدىڭ 6 فاكتىسى بويىنشا ءىس قوزعالدى. زاڭ بۇزۋشىلىققا جول بەرگەن كوميسسيا مۇشەلەرى جۇمىستارىنان شەت­تەتىلدى. مىسالى, قىزىلوردا قالا­سىن­داعى 251 سايلاۋ ۋچەسكەسىندە ءبىر سايلاۋشىعا 5 بيۋللەتەن بەرىلگەنى تىركەلدى. وعان 110-باپ بويىنشا اكىمشىلىك ءىس قوزعالىپ, 25 اەك كولەمىندە ايىپپۇل سالىندى. جالپى, ەكى-ءۇش بيۋللەتەن بەرۋ فاكتىسى بويىنشا الماتى قالاسىندا, الماتى, تۇركىستان وبلىستارىندا, ەلوردادا ەكى ۋچاسكەدە پروكۋرورلار 108-باپپەن ءىس قوزعادى.

22.00. – قازاقستانداعى سايلاۋشى­لاردىڭ 77,4 %-ى سايلاۋعا قاتىستى. ورتالىق سايلاۋ كوميسسياسىنىڭ مۇشەسى ءلاززات سۇلەيمەن ەلىمىزدىڭ بارلىق وڭىرىندە داۋىس بەرۋ پروتسەسى اياقتالىپ, سايلاۋ كوميسسيالارىنىڭ مۇشەلەرى داۋىستاردى ساناۋعا كىرىسكەنىن حابارلادى. جالپى بۇل سايلاۋدا ەلىمىز بويىنشا تىزىمگە ەنگىزىلگەن سايلاۋشىلاردىڭ 77,4%-ى داۋىس بەردى. ولاردىڭ ىشىندە اقمولا وبلىسىندا – 83,4%, اقتوبە وبلىسىندا – 84,9%, الماتى وبلىسىندا 89%, اتىراۋ وبلىسىندا – 71,2% شىعىس قازاقستان وبلىسىندا – 84,9%, جامبىل وبلىسىندا – 81,3%, باتىس قازاقستان وبلىسىندا – 66,3%, قاراعاندى وبلىسىندا – 77,3%, قىزىلوردا وبلىسىندا – 81,6%, قوستاناي وبلىسىندا – 84,1%, ماڭعىستاۋ وبلىسىندا – 68,9%, پاۆلودار وبلىسىندا – 81,2%, سولتۇستىك قازاقستان وبلىسىندا – 79,8%, تۇركىستان وبلىسىندا – 84,8%, نۇر-سۇلتان قالاسىندا – 68,9%, الماتى قالاسىندا – 52,2%, شىمكەنت قالاسىندا 67,6% حالىق داۋىس بەردى.

ەندى داۋىستاردى ساناۋدىڭ ناتيجەسى سايلاۋ بىتكەننەن كەيىن 12 ساعاتتىڭ ىشىندە بەلگىلى بولادى.

 الەكساندر تاسبولات, ورىنبەك وتەمۇرات, «Egemen Qazaqstan»