ال بۇگىن تەستىلەۋدەن وتكەن 13 ۇمىتكەردىڭ 12-ءسى كونكۋرستىڭ وڭىرلىك كوميسسياسىمەن اڭگىمەلەسۋ كەزەڭىندە باق سىنادى.
اڭگىمەلەسۋ كەزىندە, قاتىسۋشىلاردىڭ ساۋالناماداعى مالىمەتتەرى, جازىلعان ۋاجدەمەلىك ەسسەنىڭ ساپاسى, جاريالىمدارى مەن ماراپاتتارىنىڭ بارى, عىلىمي اتاعى مەن دارەجەسى, «ا» كورپۋسى قىزمەتشىلەرىنىڭ كادرلىق رەزەرۆىنە تىركەلۋ فاكتىسى, سپورتتىق جانە قوعامدىق قىزمەتى نازارعا الىنادى. سونىمەن قاتار, كونكۋرسقا قاتىسۋشىلاردىڭ جەكە جوبالىق جۇمىستارى باعالانادى.
جەكە جوبالىق جۇمىستا مەملەكەتتىك ورگاندار قىزمەتىنىڭ تيىمدىلىگىن ارتتىرۋ بويىنشا ەكونوميكالىق نەمەسە الەۋمەتتىك اسەرى باعالانعان جاڭارتۋ ۇسىنىستارى بولۋى ءتيىس. جاڭارتىلعان ۇسىنىس ناقتى, دايەكتى جانە بۇرىن تاجىريبەدە بولماعان, قولدانىستا جوق ويدى ۇسىنۋى ماڭىزدى, قولدانىستاعى ءارتۇرلى تاجىربيەلەر باعالاۋعا جاتپايدى.
وڭىرلىك كوميسسيا 9 ادامنان جانە حاتشىدان تۇرادى, ونىڭ قۇرامى وبلىس اتىنان رەسپۋبليكالىق دەڭگەيگە شىعاتىن ۇزدىك مەملەكەتتىك قىزمەتشىنى باعالاۋعا جانە انىقتاۋعا قۇزىرلى مەملەكەتتىك ورگانداردىڭ, قوعامدىق بىرلەستىكتەردىڭ, ۇكىمەتتىك ەمەس ۇيىمداردىڭ, بۇقارالىق اقپارات قۇرالدارىنىڭ وكىلدەرى, تاۋەلسىز ساراپشىلار جانە وزگە تۇلعالار قاتارىنان قالىپتاسادى. وبلىستىڭ ۇزدىك مەملەكەتتىك قىزمەتشىسىن انىقتاۋدا كونكۋرس مۇشەلەرىنە نەگىزگى جاۋاپكەرشىلىك جۇكتەلگەن.
قاتىسۋشىلاردىڭ جوبالىق جۇمىستارىن باعالاۋ كوميسسيا مۇشەلەرى ءۇشىن دە وڭايعا سوقپادى. دەگەنمەن, 12 ۇمىتكەردىڭ ىشىنەن 7-ەۋى ۇزدىك دەپ تابىلعان ماڭعىستاۋ وبلىسى ءبىلىم باسقارماسىنىڭ مەكتەپكە دەيىنگى جانە جالپى ورتا ءبىلىم بەرۋ ءبولىمىنىڭ باسشىسى كلارا كۋلاتاەۆا, مۇنايلى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ سەكتور مەڭگەرۋشىسى كەسيكباەۆا راۋشان, ماڭعىستاۋ وبلىسى اكىمى اپپاراتى باسشىسىنىڭ ورىنباسارى اسەل بالمانوۆا, قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باس مامانى ەربول جۇماباي مەن جاننا شىرتانوۆا جانە قاتىسۋشىلاردىڭ ىشىندەگى ەڭ جاس مەملەكەتتىك قىزمەتشى, ماڭعىستاۋ وبلىسىنىڭ يندۋستريالىق-يننوۆاتسيالىق دامۋ باسقارماسىنىڭ باس مامانى تالگات ساحتاگانوۆ, اقتاۋ قالالىق كاسىپكەرلەر جانە ونەركاسىپتى دامىتۋ ءبولىمىنىڭ سەكتور مەڭگەرۋشىسى نۇرسەيىت ايلادىر «ۇزدىك مەملەكەتتىك قىزمەتشى» كونكۋرسىنىڭ فينالدىق كەزەڭىنە, ياعني رەسپۋبليكالىق دەڭگەيىنە دايىندالاتىن بولادى.