ءبىرى - 160 ورىندىق دەنە شىنىقتىرۋ-ساۋىقتىرۋ كەشەنى. ءبىر كەزەڭدە 600 ادامعا دەيىن قابىلداي الاتىن سپورت كەشەنىندە فۋتبول, ۆولەيبول, ۇستەل تەننيسى, باسكەتبول وينايتىن الاڭدار مەن كۇرەس زالى جانە ترەناجەر زالى بار.
ەل يگىلىگىنە بەرىلگەن سۋ جاڭا تاعى ءبىر نىسان جابىق ءجۇزۋ باسسەينىمەن فيتنەس زالى. ەندى بەينەۋ اۋدانىنىڭ بۇلدىرشىندەرى بۇدان بىلاي جاڭا ۇلگىدەگى باسسەيندە شومىلىپ, فيتنەس زالدا جاتتىعاتىن بولادى.
نىساننىڭ جالپى كولەمى 600 م2, 240 ادامعا دەيىن قابىلداي الادى. «كاسپي تەڭىزىنەن شالعايدا ورنالاسقان اۋداندا مۇنداي نىساننىڭ اشىلۋى كەرەمەت جاعداي, الداعى ۋاقىتتا اۋداننان مىقتى سپورتشىلار شىعىپ, وليمپيادا چەمپيونى دميتري بالاندين سەكىلدى چەمپيوندار شىعاتىنىنا سەنىمدىمىز دەدى», اۋىل تۇرعىندارى. بەينەۋدە پايدالانۋعا بەرىلگەن كەلەسى نىسان - بورانقۇل اۋىلىنداعى سۋ تازارتقىش قوندىرعىسىمەن بار سۋ قۇبىرى.
سۋ تازارتۋ يمماراتىنىڭ ونىمدىلىگى ساعاتىنا 198 تەكشە مەتر, تازا سۋعا ارنالعان 3000 م3 قويما ورنالاسقان. 11 ادام ەڭبەك ەتەتىن بولادى.