«وتكەن جىلعى رەسەي فەدەراتسياسىنىڭ توراعالىعىمەن وتكەن كەڭەس مازمۇندى ءارى ناتيجەلى بولدى. ول جيىندا كەدەن كودەكسى كۇشىنە ەندى. سونداي-اق قىتاي جانە يرانمەن حالىقارالىق شارتتارعا قول قويىلدى. مولدوۆا رەسپۋبليكاسىنا ەۋرازيالىق ەكونوميكالىق وداق جانىنداعى باقىلاۋشى مەملەكەت مارتەبەسى بەرىلدى. كەڭەستىڭ مەرەيتويلىق وتىرىسى ارمەنيا رەسپۋبليكاسىنىڭ توراعالىعىمەن ءوتىپ جاتىر. ارمياندىق ارىپتەستەرىمىزدىڭ اتالعان كەڭەسكە توراعالىق ەتۋى ءساتتى بولۋىنا تىلەكتەسپىز» دەدى قازاقستان پرەزيدەنتى قاسىم-جومارت توقاەۆ.
ەسكە سالا كەتەيىك, نۇر-سۇلتان قالاسىندا نۇرسۇلتان نازارباەۆتىڭ ەۋرازيالىق ينتەگراتسيا جونىندەگى يدەياسىنىڭ 25 جىلدىعىنا جəنە ەۋرازيالىق ەكونوميكالىق وداق جونىندەگى كەلىسىمگە قول قويىلۋىنىڭ 5 جىلدىعىنا وراي جوعارى ەۋرازيالىق ەكونوميكالىق كەڭەستىڭ كەزەكتى وتىرىسى ءوتىپ جاتىر.