– ساباقتار پوليگوندا جانە قالا ىشىندە وتكىزىلۋدە. بايقاۋ الماتى جانە جامبىل وبلىستارىنىڭ اۋماعىندا وتۋدە جانە 4 كەزەڭنەن تۇرادى. ماتىبۇلاق پوليگونىندا تاۋلى اتقىشتار پراكتيكالىق وق اتۋلار مەن جارالىنى تاسىمالداۋ ارنايى تاپسىرماسىمەن قارسىلاستىڭ نىساندارىن ىزدەستىرۋدى جۇرگىزۋى ءتيىس. بايقاۋدىڭ ەڭ كۇردەلى كەزەڭى سول تالعار شاتقالىندا وتەدى. وندا اسكەري قىزمەتشىلەرگە تاۋ شىڭدارىنان توتەلەپ ءجۇرىپ, بيىكتىگى 4376 م قۇرايتىن نۇرسۇلتان شىڭىن باعىندىرۋعا تۋرا كەلەدى,– دەدى «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان رۋستەم يگيسينوۆ.
كوماندا قۇرامى سانى 12 ادامنان قۇرالعان ءبىر توپتى قامتيدى. بايقاۋدىڭ ىرىكتەۋى مەن دايىندىعى تاۋلى دايىندىق بويىنشا تاجىريبەلى نۇسقاۋشىلاردىڭ جەتەكشىلىك ەتۋىمەن وتۋدە.
اتالمىش بايقاۋ قارۋ-جاراقتى, ارنايى الپينيستىك م ۇلىك پەن جاۋىنگەرلىك قولدانۋعا كەرەك-جاراقتى دايىنداۋدا جەكە قۇرامنىڭ ءبىلىم مەن ماشىعىن, سونداي-اق تاۋلى جەردە اسكەري قىزمەتشىلەردىڭ تاپسىرمالاردى ورىنداۋعا ازىرلىكتەرىن تەكسەرۋ ماقساتىندا ۇيىمداستىرىلدى. بايقاۋ بارىسىندا اسكەري قىزمەتشىلەر الپينيستىك كەرەك-جاراقتى قولدانا وتىرىپ, كۇردەلى كليماتتىق جانە گەوگرافيالىق جاعدايلارداعى پراكتيكالىق جۇمىستىڭ داعدىلارىن يگەرە الادى.
ماڭعىستاۋ وبلىسى