12 ناۋرىز كۇنى نيۋ-يوركتە "Global Finance" جۋرنالى جىل سايىنعى ءداستۇر بويىنشا 26-شى رەت الەمنىڭ ۇزدىك بانكتەرىن سالتاناتتى جاعدايدا ماراپاتتادى.
"Global Finance" جۋرنالىنىڭ ۇجىمى قارقىندى ءوسۋ, يننوۆاتسيالىق تەحنولوگيالاردى ازىرلەۋ جانە ەنگىزۋ, سونداي-اق ستراتەگيالىق جوبالاردى ىسكە اسىرۋ كريتەريلەرىن نەگىزگە الا وتىرىپ, جىل سايىن 150-دەن استام ەلدەگى ۇزدىك قارجى ينستيتۋتتارىنا زەرتتەۋ جۇرگىزەدى جانە تاڭدايدى. بيىل دا وڭتايلى جانە ىڭعايلى سەرۆيستەرىمەن جانە كەرەمەت بيزنەس ناتيجەلەرىمەن بىرقاتار بانكتەر لاۋرەات دەپ تانىلدى. حالىقارالىق باسىلىمنىڭ وڭ كوزقاراسىنا يە بولعان قارجى ۇيىمدارىنىڭ اراسىندا قازاقستاندىق Forte بانكى بار.
سالتاناتتى راسىمدە بانكتىڭ باسقارما توراعاسى گۋرام اندرونيكاشۆيلي بىلاي دەدى: ء"بىز ءۇشىن Global Finance جۋرنالىنىڭ ماراپاتىن الۋ – ۇلكەن قۇرمەت. بۇل ماراپاتتى ەكى جىل قاتارىنان يەلەنۋىمىز ءبىزدىڭ تۇتىنۋشىلارىمىزعا ءتيىمدى قىزمەتىمىزدى جانە ستراتەگيامىزدىڭ دۇرىس تاڭدالعانىن راستايدى. بانك ءوزىنىڭ كليەنتتەرىنە ۇزدىك يننوۆاتسيالىق ونىمدەرىن ۇسىنا وتىرىپ, كاپيتالىنىڭ جەتكىلىكتىلىگى مەن وتىمدىلىگى بويىنشا نارىقتا كوشباسشىلىق پوزيتسياسىن ساقتاپ قالادى. ءبىز 2018 جىلى بارلىق قارجىلىق جانە وپەراتسيالىق كورسەتكىشتەر نەگىزىندە ايتارلىقتاي وسىمگە قول جەتكىزىپ, اكتيۆتەر مولشەرى بويىنشا قازاقستاننىڭ ەكىنشى دەڭگەيلى بانكتەرىنىڭ توپ-3 قۇرامىنا كىردىك. ال بۇل جەتىستىگىمىز حالىقارالىق ساراپشىلار تاراپىنان باعالانعانىنا قۋانىشتىمىز".
ايتا كەتەيىك, "Global Finance" تالداۋشىلارىنىڭ پىكىرىنشە, ForteBank جەڭىسىن انىقتاعان نەگىزگى فاكتورلار نارىقتىق پوزيتسيالارىنىڭ كۇشەيۋى, گەوگرافيالىق قامتۋى جانە كليەنتتەر ءۇشىن ۇزدىك يننوۆاتسيالىق قىزمەت كورسەتۋى بولىپ تابىلادى.