نازارعا الىنعان باستى ماسەلەلەردىڭ قاتارىندا الەمدىك ەكونوميكا, ونەركاسىپ جانە تەحنولوگيانىڭ جاڭا سالالارىن دامىتۋ, سونداي-اق, بۇگىنگى جاھان جۇرتشىلىعى ءۇشىن اسا وزەكتى تاقىرىپتار تالقىعا سالىنباق.
– مۇنداي ءىس-شارالاردىڭ ناتيجەسىن قىسقا مەرزىمگە قاراپ باعالاۋ وتە كۇردەلى. بۇل ءىس-شارالار ۇزاقمەرزىمدى. ەلدىڭ ينۆەستيتسيالىق تارتىمدىلىعىن ارتتىرۋعا, ەكونوميكالىق دامۋ ستراتەگياسىن ايقىنداۋعا باعىتتالعاندىقتان, بۇل شارالاردىڭ ءبىر كۇندە اسەرى بولادى نەمەسە اۋقىمدى وزگەرىستەرگە اكەلەدى دەپ كۇتۋ – مەنىڭشە, نەگىزسىز. الداعى ۇزاقمەرزىمدى پەرسپەكتيۆادا ول ەلدىڭ ەكونوميكاسىنا ءسوز جوق اسەرىن تيگىزەدى», - دەدى «ەكونوميكالىق زەرتتەۋلەر ينستيتۋتى» اق تالداۋ جانە الەمدىك ەكونوميكا ورتالىعىنىڭ ديرەكتورى ايبول ارعىنعازينوۆ.
ورتالىق ديرەكتورىنىڭ ايتۋىنشا, وتكەن 12 جىل ىشىندە فورۋمنىڭ نەگىزىندە جاھاندىق ساراپشىلاردىڭ ۇسىنىستارىن ەسكەرە وتىرىپ, قازاقستان ءوزىنىڭ ءبىرشاما ەكونوميكالىق رەفورماسىن ىسكە اسىرعان.
– اەف شەڭبەرىندە العاش رەت ءبىرنەشە فورۋم وتەدى. ءبىرىنشى قازاقستاندىق تۇراقتى دامۋ فورۋمى, ەۋرازيالىق ينتەگراتسيانىڭ 25 جىلدىعىنا ارنالعان ارناۋلى سەسسيا, حالىقارالىق ەڭبەك ۇيىمىنىڭ 100 جىلدىعىنا ارنالعان كونفەرەنتسيا, كاۆكاز جانە ورتالىق ازيا ءوڭىرى قارجى مينيسترلەرى مەن ورتالىق بانكتەرى باسشىلارىنىڭ دوڭگەلەك ۇستەلى وتەدى. وعان قوسا, قازاقستاندىق ينۆەستيتسيالار بويىنشا دوڭگەلەك ءۇستەل جوسپارلانىپ وتىر, – دەدى «ەكونوميكالىق زەرتتەۋلەر ينستيتۋتى» اق باسقارما توراعاسى ەرلىك قاراجان.