وبلىس ورتالىعىندا قوعامدىق ءتارتىپتى قاداعالاپ, كەزەكشىلىك ەتىپ جۇرگەن پارتۋللىك توپقا شۇعىل حابار تۇسكەن. سول ماڭايدا تۇراتىن ءبىر ايەل بالالارىنىڭ ءۇشتى-كۇيلى جوعالعانى جايلى قالالىق ىشكى ىستەر بولىمىنە جانۇشىرا حابارلاعان.
«ءبىزدىڭ پاترۋلدىك توپ جەدەل ىزدەستىرۋ شارالارىنا كىرىسىپ, تۇرعىنداردىڭ كومەگىنە سۇيەنە وتىرىپ گاراجداردىڭ بىرىنەن كومەك سۇراعان داۋىستى ەستيدى. تەمىر ەسىكتى بۇزىپ, ىشكە ەنىپ, اياق-قولى بايلاۋلى بۇلدىرشىندەردى جەڭىل كولىكتىڭ جۇكسالعىشىنان تاۋىپ الادى. اكەلەرى بولسا, مەرەكەنى «تويداۋعا» كەتكەن», دەيدى ەكىنشى روتا كومانديرىنىڭ ورىنباسارى اسحات تەمىرحانوۆ.
ەكى جەردە جۇمىس ىستەيتىن ايەل كەشقۇرىم ۇيىنە شارشاپ-شالدىعىپ كەلگەندە كۇيەۋىن دە, بالالارىن دا تاپپاي قالىپ, دابىل قاققان.
اسكەري ءبولىمنىڭ شتاب باستىعى ەرحان ءمۇسالىموۆتىڭ ايتۋىنشا, قالا ىشىندە كۇنىنە 45 باعىت بويىنشا 130-عا جۋىق اسكەري قىزمەتكەر قوعامدىق ءتارتىپتى باقىلاپ, 6 ساعاتتىڭ ىشىندە 1,5 شاقىرىم ايماقتى بارلايدى ەكەن. ايىنا 150-دەن استام ءتۇرلى بۇزاقىلىق وقيعالار انىقتالىپ, اراق ءىشۋ, وتباسىلىق كيكىلجىڭ, ۇرلىق-قارلىق وقيعالارى كوپ كەزدەسەتىن كورىنەدى.