تۋىندىدا اۋعان سوعىسىنىڭ جۇرەك جۇتقان باتىرى بوريس كەرىمباەۆتىڭ ەرلىگى مەن عۇمىر-داستانى, بۇرىن سوڭدى جاريا ەتىلمەگەن ەستەلىكتەرى توپتاستىرىلعان. 177 جاساققا باسشىلىق ەتكەن «قارا مايور» جايلى جەرلەسىمىز جولامان مۇحامەتجانوۆتىڭ ايتارى مول.
«كوزى تىرىسىندە ەسىمى اڭىزعا اينالعان ازاماتپەن الماتىداعى ارداگەرلەر گوسپيتالىندە كەزدەسىپ, اڭگىمەلەرىن تىڭداعان ەدىم. 8 اي بويى ونىڭ باتالونى «قىلىشتىڭ جۇزىندە» جۇرسە دە, موجداحەدتەردىڭ قولباسشىسى احمەد شاح ماسۋدقا قارسى قارسى ەرلىكپەن شايقاسا بىلگەن. وسى سەبەپتى ونى جاۋ جاعى «پانشەر پاتشاسى» دەپ اتاپ كەتكەن», دەيدى اۋعان سوعىسىنىڭ ارداگەرى جولامان مۇحامەدجانوۆ.
قازاقتىڭ وعلان باحادۇرى بىرنەشە جەكپە-جەك تۇرلەرىن, سوعىستىڭ شىرعالاعى مول تاكتيكالىق, ستراتەگيالىق ءادىس-تاسىلدەرىن جەتىك مەڭگەرگەن. پانشەر شاتقالىن ءبىرايدىڭ ورنىنا 8 اي ۇستاپ تۇرۋى سوندىقتان. ونىڭ جەڭىسىنە ىزالانعان موجداحەدتەر ب. كەرىمباەۆتىڭ «باسىنا» ءبىر ميلليون دوللار سىياقى تىككەن.
جەرگىلىكتى تۇرعىندارعا مەشىتتەر مەن الەۋمەتتىك ماڭىزى بار عيماراتتار تۇرعىزىپ بەرۋىمەن دە ۇلكەن قۇرمەتكە بولەنگەن.
دەرەكتى ءفيلمدى قىزىقتاۋعا كەلگەندەر قاتارىنىڭ كوپ بولۋىنا قاراعاندا «قارا مايوردىڭ» ەرلىك ىستەرى سولتۇستىكقازاقستاندىق كورەرمەندەردى دە بەي-جاي قالدىرماعان سەكىلدى.