ءبىلىم دەپارتامەنتىنىڭ باسشىسى گۇلميرا كارىموۆانىڭ ايتۋىنا قاراعاندا بىرەر جىلدىڭ ىشىندە تۇيتكىلدى ماسەلەنى تۇپكىلىكتى شەشۋ كوزدەلگەن. اتاپ ايتقاندا, 1500 بالاعا ارنالعان ەكى قازاق ءبىلىم ورداسى بيىلعى جاڭا وقۋ جىلىنا دەيىن تاپسىرىلماق. 900 ورىندى مەكتەپ «جاسوركەن», 600 ورىندى مەكتەپ «بەرەكە» ىقشام اۋدانىندا بوي كوتەرەدى.
«سوڭعى 12 جىل ىشىندە وڭىردە بىردە-ءبىر مەكتەپ سالىنباعان. تاعى ءبىر ءبىلىم ءۇيىن سالۋعا جەر ءبولىنىپ, قۇجاتتارى ازىرلەنۋدە», دەيدى گۇلميرا رايىنبەكقىزى.
جالپى وبلىستا 5 مەكتەپتە ساباق ءۇش اۋىسىمعا كوشىرىلگەن. تايىنشا جانە بەسكول ەلدى مەكەندەرىندە دە ءبىلىم ورداسىنا دەگەن سۇرانىس بار. بيىل 3 مىڭنان استام تۇلەك مەكتەپ بىتىرسە, 9 مىڭعا جۋىق ءبۇلدىرشىن مەكتەپ تابالدىرىعىن العاش اتتايدى. مامانداردىڭ ايتۋىنشا, سوڭعى 2-3 جىلدا وبلىستا 1-سىنىپقا باراتىن بالالاردىڭ سانى ءۇش ەسە ارتقان.