جەڭىس كۇنى قارساڭىندا ارداگەرلەرمەن كەزدەسكەن وبلىس اكىمى اماندىق باتالوۆ:
- سوعىستىڭ اياقتالعانىنا 74 جىل ءوتتى. بىراق سول سۇراپىل جىلدارداعى ءبىزدىڭ اتا-اپالارىمىزدىڭ ەرلىگى ءالى كۇنگە ءبىزدىڭ جادىمىزدا. وكىنىشكە قاراي, ورتامىزداعى سوعىس ارداگەرلەرىنىڭ قاتارى كۇننەن كۇنگە سيرەپ بارادى. وبلىستا ارداگەرلەر مەن باسقا دا ساناتتاعى ازاماتتارعا ساناتوريدە تەگىن ەمدەلۋ مەن وڭالتۋ شارالارى ءۇشىن 470 ملن تەڭگە ءبولىنىپ وتىر. سول سياقتى ۇلى وتان سوعىسى ارداگەرلەرى مەن مۇگەدەكتەرىنە قوسالقى جانە كومەكشى قۇرالدار ءۇشىن جەرگىلىكتى بيۋدجەتتەن 3 ملرد تەڭگەدەن استام قارجى قاراستىرىلدى. جەڭىس كۇنىنە وراي وبلىستىق قازىنادان ءاربىر سوعىس ارداگەرىنە ءبىر رەتتىك ماتەريالدىق كومەك رەتىندە 500 مىڭ تەڭگەدەن بەرىلەدى, - دەدى.
وبلىس اكىمدىگىندە وتكەن سالتاناتتى قابىلداۋدان كەيىن ارداگەرلەرگە ارنايى داستارحان جايىلدى. وعان وبلىستىڭ تۇكپىر-تۇكپىرىنەن 150 ارداگەر مەن تىل ەڭبەككەرى قاتىستى.
الماتى وبلىسى