مەملەكەت باسشىسى نۇرسۇلتان نازارباەۆ الماتى وبلىسىنىڭ اقسۋ اۋدانىنداعى “قىزىلاعاش” سۋ قويماسىندا ورىن العان اپاتتى جويۋ ماسەلەسىن تالقىلاعان جۇمىس بابىندا كەڭەس وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەڭەسكە پرەمەر-مينيستر ك.ءماسىموۆ, پرەزيدەنت اكىمشىلىگىنىڭ باسشىسى ا.مۋسين, باس پروكۋرور ك.ءمامي, سونداي-اق ۇكىمەت مۇشەلەرى قاتىستى.
مەملەكەت باسشىسىنىڭ ۇسىنىسى بويىنشا كەڭەسكە قاتىسۋشىلار اپات سالدارىنان قايتىس بولعانداردى مينۋتتىك ۇنسىزدىكپەن ەسكە الدى.
ك.ءماسىموۆ پرەزيدەنتتى اپات بولعان جەردە ۇكىمەتتىك كوميسسيا جۇمىس ىستەپ جاتقانىنان حاباردار ەتتى. باسپاناسىز قالعان ازاماتتاردى الدىمەن ورنالاستىرۋ جونىندەگى ءبىرىنشى كەزەكتەگى مىندەتتەر جەدەل شەشىمىن تاپتى. زارداپ شەككەندەرگە العاشقى مەديتسينالىق كومەكتەر كورسەتىلدى. ادامدار قاجەتتى ازىق-ت ۇلىكپەن قامتاماسىز ەتىلدى. ىشكى اسكەر جانە تجم بولىمدەرىنىڭ كۇشىمەن اپاتتىڭ سالدارىن جويۋ جۇمىستارى جۇرگىزىلۋدە.
كەڭەس جۇمىسىن قورىتىندىلاي كەلە, پرەزيدەنت اپاتتىڭ سالدارىن جويۋ, زارداپ شەككەن وتباسىلارعا ماتەريالدىق, قارجىلىق, مەديتسينالىق كومەكتەر كورسەتۋ جونىندە ناقتى تاپسىرما بەردى. بالالاردى وقۋ ورىندارىنا ورنالاستىرۋ, ءۇيسىز قالعانداردى تۇراقتى باسپانامەن قامتاماسىز ەتۋ ماسەلەلەرىن ويلاستىرۋ قاجەت.
ن.نازارباەۆ بارلىق ءوڭىردىڭ اكىمدەرىنە الداعى ۋاقىتتا مۇنداي قايعىلى جاعدايدان اۋلاق بولۋ ءۇشىن بارلىق سۋ قويمالارى مەن بوگەتتەردىڭ جاعدايىن تەكسەرۋدى تاپسىردى. قۇقىق قورعاۋ ورگاندارىنا تىڭعىلىقتى تەكسەرىس جۇرگىزىپ, ەگەر اپاتتىڭ بولۋى ءوز جۇمىسىنا جاۋاپكەرشىلىكسىز قاراۋدان جانە وبەكتىنى ساقتاۋ جونىندە پروفيلاكتيكالىق قاجەتتى جۇمىستاردى جۇرگىزبەگەننەن بولعانى انىقتالعان جاعدايدا قىلمىستىق جاۋاپكەرشىلىككە تارتۋدى تاپسىردى.
سۋرەتتى تۇسىرگەندەر س.بوندارەنكو, ب.وتارباەۆ.