تاعايىنداۋلار

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن: 1. مىنالار: 1) قازاقستان رەسپۋبليكاسىنىڭ قارجى مينيسترلىگى وعان قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگىنەن بيۋدجەتتىك, سالىقتىق جانە كەدەندىك ساياساتتى قالىپتاستىرۋ مەن بيۋدجەتتىك جوسپارلاۋ سالاسىنداعى فۋنكتسيالار مەن وكىلەتتىكتەردى بەرۋ جولىمەن; 2) قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگى, سونىڭ ىشىندە وعان ستراتەگيالىق جوسپارلاۋ جانە وڭىرلىك دامۋ سالاسىنداعى فۋنكتسيالار مەن وكىلەتتىكتەردى جۇكتەي, سونداي-اق قازاقستان رەسپۋبليكاسىنىڭ يندۋستريا جانە ساۋدا مينيسترلىگىنەن ساۋدا سالاسىنداعى فۋنكتسيالار مەن وكىلەتتىكتەردى بەرە وتىرىپ, ونى قازاقستان رەسپۋبليكاسىنىڭ ەكونوميكالىق دامۋ جانە ساۋدا مينيسترلىگى ەتىپ قايتا قۇرۋ جولىمەن; 3) قازاقستان رەسپۋبليكاسىنىڭ يندۋستريا جانە ساۋدا مينيسترلىگى, سونىڭ ىشىندە وعان قازاقستان رەسپۋبليكاسىنىڭ ەنەرگەتيكا جانە مينەرالدىق رەسۋرستار مينيسترلىگىنەن ەلەكتر ەنەرگەتيكاسى, تاۋ-كەن جانە اتوم ونەركاسىبى سالاسىنداعى فۋنكتسيالار مەن وكىلەتتىكتەردى بەرە وتىرىپ, قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگى ەتىپ قايتا قۇرۋ جولىمەن; 4) قازاقستان رەسپۋبليكاسىنىڭ ەنەرگەتيكا جانە مينەرالدىق رەسۋرستار مينيسترلىگى ونى قازاقستان رەسپۋبليكاسىنىڭ مۇناي جانە گاز مينيسترلىگى ەتىپ قايتا قۇرۋ جولىمەن; 5) قازاقستان رەسپۋبليكاسىنىڭ مادەنيەت جانە اقپارات مينيسترلىگى, سونىڭ ىشىندە وعان قازاقستان رەسپۋبليكاسىنىڭ ادىلەت مينيسترلىگىنەن ازاماتتاردىڭ ءدىني سەنىم بوستاندىعىنا قۇقىقتارىن قامتاماسىز ەتۋ جانە ءدىني بىرلەستىكتەرمەن ءوزارا ءىس-قيمىل سالاسىنداعى فۋنكتسيالار مەن وكىلەتتىكتەردى بەرە وتىرىپ, قازاقستان رەسپۋبليكاسىنىڭ مادەنيەت مينيسترلىگى ەتىپ قايتا قۇرۋ جولىمەن; 6) قازاقستان رەسپۋبليكاسىنىڭ اقپاراتتاندىرۋ جانە بايلانىس اگەنتتىگى, سونىڭ ىشىندە وعان قازاقستان رەسپۋبليكاسىنىڭ مادەنيەت جانە اقپارات مينيسترلىگىنەن بۇقارالىق اقپارات سالاسىنداعى فۋنكتسيالار مەن وكىلەتتىكتەردى بەرە وتىرىپ, قازاقستان رەسپۋبليكاسىنىڭ بايلانىس جانە اقپارات مينيسترلىگى ەتىپ قايتا قۇرۋ جولىمەن قايتا ۇيىمداستىرىلسىن. 2. “قازاقستان رەسپۋبليكاسى ۇكىمەتىنىڭ قۇرىلىمى تۋرالى” قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى №6 جارلىعىنا مىناداي وزگەرىستەر مەن تولىقتىرۋ ەنگىزىلسىن:

1-تارماقتا: مىنا: “قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگى”, “قازاقستان رەسپۋبليكاسىنىڭ يندۋستريا جانە ساۋدا مينيسترلىگى”, “قازاقستان رەسپۋبليكاسىنىڭ ەنەرگەتيكا جانە مينەرالدىق رەسۋرستار مينيسترلىگى”, “قازاقستان رەسپۋبليكاسىنىڭ مادەنيەت جانە اقپارات مينيسترلىگى” دەگەن جولدار تيىسىنشە مىناداي رەداكتسيادا جازىلسىن: “قازاقستان رەسپۋبليكاسىنىڭ ەكونوميكالىق دامۋ جانە ساۋدا مينيسترلىگى”, “قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگى”, “قازاقستان رەسپۋبليكاسىنىڭ مۇناي جانە گاز مينيسترلىگى”, “قازاقستان رەسپۋبليكاسىنىڭ مادەنيەت مينيسترلىگى”; مىناداي مازمۇنداعى جولمەن تولىقتىرىلسىن: “قازاقستان رەسپۋبليكاسىنىڭ بايلانىس جانە اقپارات مينيسترلىگى”; “قازاقستان رەسپۋبليكاسىنىڭ اقپاراتتاندىرۋ جانە بايلانىس جونىندەگى اگەنتتىگى” دەگەن جول الىپ تاستالسىن. 3. قازاقستان رەسپۋبليكاسىنىڭ ۇكىمەتى: 1) قازاقستان رەسپۋبليكاسىنىڭ قايتا ۇيىمداستىرىلاتىن مەملەكەتتىك ورگاندارىنىڭ شتات سانىن قايتا ءبولۋدى قامتاماسىز ەتسىن; 2) وسى جارلىقتى ىسكە اسىرۋ جونىندە وزگە دە قاجەتتى شارالار قابىلداسىن. 4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن.نازارباەۆ. اقوردا, 2010 جىلعى ناۋرىزدىڭ 12-ءسى. №936

قازاقستان رەسپۋبليكاسى پرەزيدەنتىنىڭ جارلىعى ءا.ءو.يسەكەشەۆتى قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترى قىزمەتىنە تاعايىنداۋ تۋرالى اسەت ورەنتاي ۇلى يسەكەشەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترى بولىپ تاعايىندالسىن, ول قازاقستان رەسپۋبليكاسىنىڭ يندۋستريا جانە ساۋدا ءمينيسترى قىزمەتىنەن بوساتىلسىن. قازاقستان رەسپۋبليكاسىنىڭ پرەزيدەنتى ن.نازارباەۆ. اقوردا, 2010 جىلعى ناۋرىزدىڭ 12-ءسى. №937

قازاقستان رەسپۋبليكاسى پرەزيدەنتىنىڭ جارلىعى ج.س.ايتجانوۆانى قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى قىزمەتىنە تاعايىنداۋ تۋرالى جانار سەيداحمەتقىزى ايتجانوۆا قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ناۋرىزدىڭ 12-ءسى. №939

جانار سەيداحمەتقىزى ايتجانوۆا 1965 جىلى تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن, بىرىككەن ۆەنا ينستيتۋتىن, گارۆارد ۋنيۆەرسيتەتىنىڭ دج.كەننەدي اتىنداعى مەملەكەتتىك باسقارۋ مەكتەبىن (اقش) تامامداعان. اعىلشىن جانە چەح تىلدەرىن مەڭگەرگەن. ۋنيۆەرسيتەتتى بىتىرگەننەن كەيىن قازمۋ-دە جانە مگۋ-دە, سونداي-اق كارلوۆو مەن ورتالىق ەۋروپا ۋنيۆەرسيتەتتەرىندە (چەح رەسپۋبليكا­سىنىڭ پراگا ق.) تاعىلىمدامادان ءوتتى. بۇۇ-نىڭ قازاقستان رەسپۋبليكاسىنداعى وكىلدىگىندە باعدارلامالار ۇيلەستىرۋشىسى, موڭعولياداعى بۇۇ-نىڭ ۇيلەستىرۋشىسى جانە بۇۇ-نىڭ دامۋ باعدارلاماسى وكىلىنىڭ كومەكشىسى بولىپ جۇمىس ىستەدى. بۇۇ-نىڭ دامۋ باعدارلاماسىنىڭ ەۋروپا جانە تمد وڭىرلىك بيۋروسىنىڭ ورتالىق ازيا ەلدەرى ءبولىمىنىڭ باعدارلامالار جەتەكشىسى بولدى. 2003 جىلعى قىركۇيەكتە ج.س.ايتجانوۆا قازاقستان رەسپۋبليكاسى يندۋستريا جانە ساۋدا ۆيتسە-ءمينيسترى بولىپ تاعايىندالدى, سونىمەن قاتار, 2005 جىلعى مامىردا وعان قازاقستان رەسپۋبليكاسىنىڭ بۇكىلالەمدىك ساۋدا ۇيىمىنا (بسۇ) كىرۋى جونىندەگى كەلىسسوزدەردەگى قازاقستان رەسپۋبليكاسىنىڭ ارناۋلى وكىلىنىڭ مىندەتتەرى جۇكتەلدى.

قازاقستان رەسپۋبليكاسى پرەزيدەنتىنىڭ جارلىعى س.م.مىڭباەۆتى قازاقستان رەسپۋبليكاسىنىڭ مۇناي جانە گاز ءمينيسترى قىزمەتىنە تاعايىنداۋ تۋرالى ساۋات مۇحامەتباي ۇلى مىڭباەۆ قازاقستان رەسپۋبليكاسىنىڭ مۇناي جانە گاز ءمينيسترى بولىپ تاعايىندالسىن, ول  قازاقستان رەسپۋبليكاسىنىڭ ەنەرگەتيكا جانە مينەرالدىق رەسۋرستار ءمينيسترى قىزمەتىنەن بوساتىلسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ناۋرىزدىڭ 12-ءسى. №938

قازاقستان رەسپۋبليكاسى پرەزيدەنتىنىڭ جارلىعى ا.ق.جۇماعاليەۆتى قازاقستان رەسپۋبليكاسىنىڭ بايلانىس جانە اقپارات ءمينيسترى قىزمەتىنە تاعايىنداۋ تۋرالى اسقار قۋانىش ۇلى جۇماعاليەۆ قازاقستان رەسپۋبليكاسىنىڭ بايلانىس جانە اقپارات ءمينيسترى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ناۋرىزدىڭ 12-ءسى. №940

اسقار قۋانىش ۇلى جۇماعاليەۆ 1972 جىلى تۋعان. سۆەردلوۆ قالاسىنداعى سۋ­ۆو­روۆ اسكەري ۋچيليششەسىن, قازاق ۇلتتىق تەحنيكالىق ۋني­­ۆەرسيتەتىن, قازاق گۋمانيتارلىق-زاڭ ۋنيۆەرسي­تە­تىن, شۆەيتساريا فەدەرالدىق تەحنولوگيالار ينس­تي­تۋتىن (لوزاننا ق.) بىتىرگەن. اعىلشىن ءتىلىن مەڭگەرگەن. ەڭبەك جولىن “جارىق” جشس ديرەكتورى بولىپ باستادى. كولىك جانە كوممۋنيكاتسيا مينيسترلىگىندە سەكتور مەڭگەرۋشىسى, ءبولىم باستىعى, باسقارما باستى­عى بولىپ جۇمىس ىستەدى. اقپاراتتاندىرۋ جانە بايلا­نىس اگەنتتىگى توراعاسىنىڭ ورىنباسارى, ءبىرىنشى ورىن­باسارى قىزمەتتەرىن اتقاردى. قازاقستان رەس­پۋب­ليكاسى اقپاراتتاندىرۋ جانە بايلانىس اگەنتتىگىنىڭ توراعاسى قىز­مەتىنە تاعايىندالدى. 2006 جىلعى قاراشادان – “قازاقتەلەكوم” اق پرەزيدەنتى.

قازاقستان رەسپۋبليكاسى پرەزيدەنتىنىڭ جارلىعى م.ا.قۇل-مۇحاممەدتى قازاقستان رەسپۋبليكاسىنىڭ مادەنيەت ءمينيسترى قىزمەتىنە تاعايىنداۋ تۋرالى مۇحتار ابرار ۇلى قۇل-مۇحاممەد قازاقستان رەسپۋبليكاسىنىڭ مادەنيەت ءمينيسترى بولىپ تاعايىندالسىن, ول قازاقستان رەسپۋب­لي­كاسىنىڭ مادەنيەت جانە اقپارات ءمينيسترى قىزمەتىنەن بوساتىلسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ناۋرىزدىڭ 12-ءسى. №941