قارجى ءمينيسترى بولات جامىشەۆ باستاعان رەسپۋبليكالىق اقپاراتتىق-ناسيحاتتىق توپ جامبىل وبلىسىندا بولدى. توپتىڭ ماقساتى – پرەزيدەنتتىڭ قازاقستان حالقىنا ارناعان جاڭا جولداۋىنان تۋىندايتىن مىندەتتەر مەن تاپسىرمالاردى ەلگە جەتە ءتۇسىندىرۋ مەن ونى جۇزەگە اسىرۋعا اتسالىسۋ بولىپ تابىلادى.
ەلباسىنىڭ بيىلعى جولداۋى 1997 جىلى جاريالانعان “قازاقستان-2030” ستراتەگياسىنىڭ العاشقى ونجىلدىعىنىڭ قورىتىندىلارىن بەلگىلەپ بەرگەنى بەلگىلى. ەندىگى مەجە – ەلىمىزدىڭ الداعى ونجىلدىقتاعى تۇراقتى دامۋىن قامتاماسىز ەتىپ, جاڭا مۇمكىندىكتەرگە جول اشۋ.
– بۇل رەتتە پرەزيدەنت دامۋدىڭ نەگىزگى باسىمدىقتارىن ايقىنداپ بەردى. “جول كارتاسى” شەڭبەرىندە جامبىل وبلىسى بويىنشا 6 182,7 ملن. تەڭگە ءبولىنىپ وتىر. اتاپ ايتقاندا, مەكتەپتەردى, اۋرۋحانالاردى جانە باسقا دا الەۋمەتتىك نىسانداردى كۇردەلى جانە اعىمداعى جوندەۋگە – 904,5 ملن. تەڭگە, وبلىستىق جانە اۋداندىق ماڭىزى بار اۆتوموبيل جولدارىن, قالالار مەن ەلدى مەكەندەردىڭ كوشەلەرىن جوندەۋ جانە ۇستاۋعا – 1 679,6 ملن. تەڭگە, كەنتتەردە, اۋىلداردا, اۋىلدىق وكرۋگتەردە الەۋمەتتىك جوبالاردى قارجىلاندىرۋعا – 724,5 ملن. تەڭگە, ينجەنەرلىك-كوممۋنيكاتسيالىق ينفراقۇرىلىمدى جوندەۋ جانە قالالار مەن ەلدى مەكەندەردى اباتتاندىرۋعا – 54,8 ملن.تەڭگە, ينجەنەرلىك-كوممۋنيكاتسيالىق ينفراقۇرىلىمدى دامىتۋ جانە قالالار مەن ەلدى مەكەندەردى اباتتاندىرۋعا – 1 860,5 ملن. تەڭگە, الەۋمەتتىك جۇمىس ورىندارى جانە جاستار تاجىريبەسى باعدارلاماسىن كەڭەيتۋگە – 648,0 ملن. تەڭگە, كادرلاردى دايارلاۋ جانە قايتا دايارلاۋعا – 310,8 ملن. تەڭگە قارالدى, دەدى مينيستر. ونىڭ ايتۋىنشا, وبلىس بويىنشا دەنساۋلىق ساقتاۋ نىساندارىنىڭ قۇرىلىسىنا دا ءبىراز قارجى قاراستىرىلعان.
پرەزيدەنت جولداۋىنداعى تاپسىرمالاردىڭ ءبىرى – ادام كاپيتالىن ارتتىرىپ, بولاشاققا ينۆەستيتسيا سالۋ. مينيستر, وسىعان وراي, ۇكىمەت بيۋدجەتتەن الەۋمەتتىك سالاعا بولىنەتىن قاراجاتتى كوبەيتىپ جانە ونىڭ دۇرىس پايدالانۋىن باقىلايتىن بولادى, دەدى. قازاقستاننىڭ اۋماعىندا ەڭبەك ەتۋگە كەلگەن بۇرىنعى ازاماتتار مەن ەلىمىزدىڭ جايسىز اۋداندارىندا تۇرىپ جاتقان ازاماتتار بولىپ تابىلاتىن ەتنيكالىق يمميگرانتتاردى جايلاستىرۋعا قاتىستى “نۇرلى كوش” باعدارلاماسىنىڭ ىسكە اسىرىلىپ جاتقانى تۋرالى دا اتاپ ءوتتى. بۇل يگى ءىس-شارا ەتنيكالىق جانە ىشكى يمميگرانتتاردىڭ ەلەۋلى بولىگىنىڭ ءومىر ساپاسىن ارتتىرۋعا, قازاقستاننان بۇرىن كوشىپ كەتكەن جوعارى بىلىكتى مامانداردىڭ قايتىپ ورالۋىن ىنتالاندىرۋعا, سونداي-اق جۇمىسسىزدىقپەن جانە جاپپاي كوشۋ قيىندىقتارىمەن بايلانىستى الەۋمەتتىك تاۋەكەلدەردىڭ تۋىنداۋىنىڭ الدىن الۋعا, الەۋمەتتىك تۇراقتىلىق پەن كەلىسىمدى نىعايتۋعا, ەلىمىزدەگى دەموگرافيالىق جاعدايدى جاقسارتۋعا مۇمكىندىك بەرەدى, دەدى ول.
مينيستر ساپار بارىسىندا وبلىس ورتالىعىنداعى جوو وقىتۋشىلار قۇرامىمەن, ستۋدەنتتەرمەن, ءىرى كاسىپورىن جۇمىسشىلارىمەن, وبلىستىق اۋرۋحانا ۇجىمىمەن جانە وبلىس اكتيۆىمەن كەزدەستى. ازاماتتاردى جەكە سۇراقتارى بويىنشا قابىلدادى. اۋدانداردا بولىپ, حالىقپەن جانە ەڭبەك ۇجىمدارىمەن كەزدەستى.
جامبىل وبلىسى.
كوسەمالى ساتتىباي ۇلى.