مۋزەي قورىنا قابىلدانعان جادىگەرگە پوشىم-سيپاتى مەن جاسالۋ ەرەكشەلىگىنە قاراي «بۇرمەلى التىن سىرعا نەمەسە ساقينا» دەگەن اتاۋ بەرۋگە لايىق. سىرعانىڭ سالپىنشاق بولىگىنە قۇمىرا پىشىندەس 20 ۇساق بۇرشىك بۇرمەلەنگەن. ءبىر قاراعاندا, بۇل بۇرمەلەر بيداي دانىنە دە ۇقسايدى. جادىگەردىڭ سالماعى – 20 گرامم, تازا التىننان جاسالعان, شەڭبەرىنىڭ ديامەترى – 2,9 سم, ەنى – 8 مم, بۇيىمنىڭ نەگىزگى بيىكتىگى – 5,4 سم, قۇمىراعا ۇقساس بۇرشىكتەردىڭ بيىكتىگى – 9 مم, ونىڭ ديامەترى – 6-6,1 مم, قۇمىرا اۋىزىنىڭ بيىكتىگى – 1 مم, ديامەترى – 2,5 مم.
بۇيىمدى مۋزەي قورىنا وتكىزگەن مەتسەنات ساپار ىسقاق ۇلى جاساقتاعان ەكسپەديتسيا ءمۇشەلەرى جانە ەلورداداعى ۇلتتىق مۋزەي جانىنان قۇرىلعان «حالىق قازىناسى» عىلىمي-زەرتتەۋ ينستيتۋتىنىڭ باسشىسى احان وڭعار ۇلى.
«تورعاي ءوڭىرى ءالى تولىق زەرتتەلمەگەن. الداعى ۋاقىتتا مۇنداي جادىگەرلەردىڭ تالايى تابىلاتىنى انىق. سول سەبەپتى, بيىل دا قازبا جۇمىستارىن جالعاستىرۋ ارقىلى ولكەگە ەتنوگرافيالىق زەرتتەۋلەر جۇرگىزەمىز» دەدى احان وڭعار ۇلى.اسەل وتكەلباەۆا,
ارقالىق قالاسىنداعى دالا ولكەسى تاريحى وبلىستىق مۋزەيىنىڭ باس قور ساقتاۋشىسى