مەملەكەت باسشىسى نۇرسۇلتان نازارباەۆ اۋىل شارۋاشىلىعى ءمينيسترى اقىلبەك كۇرىشباەۆتى قابىلدادى.
ا.كۇرىشباەۆ پرەزيدەنتتى ۆەدومستۆونىڭ 2009 جىلعى جۇمىس قورىتىندىلارى مەن “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا ءمۇمكىندىكتەرى” اتتى پرەزيدەنتتىڭ قازاقستان حالقىنا جولداۋىنان تۋىندايتىن الداعى كەزەڭدەگى مىندەتتەر تۋرالى حاباردار ەتتى. مينيسترلىك الدىندا وزىق تەحنولوگيا مەن قارقىندى ءوندىرىستى قولدانۋعا باعىتتالعان اۋىل شارۋاشىلىعىنا سۋبسيديا ءبولۋ جانە مەملەكەتتىك قولداۋ كورسەتۋ تەتىكتەرىن جەتىلدىرۋ مىندەتى تۇر.
اڭگىمەلەسۋ كەزىندە سونداي-اق, كوكتەمگى ەگىس جۇمىستارىنا دايىندىق بارىسى, ينۆەستيتسيالىق جوبالاردى ىسكە اسىرۋ, سونىڭ ىشىندە “قازاگرو” ارقىلى قارجىلاندىرۋ جايى تالقىلاندى.
– مەملەكەت باسشىسى ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋ, ءوڭدەۋشى ونەركاسىپتى جۇيەلى دامىتۋ, اگرارلىق عىلىمدى ودان ءارى رەفورمالاۋ ءجونىندە ناقتى مىندەتتەر قويدى, – دەدى جۋرناليستەرگە ارنالعان بريفينگتە ا.كۇرىشباەۆ.