تەننيس: پوپكو فينالعا شىقتى

العاشقى ەكى اينالىمدا اقش-تىڭ قوس ويىنشىسى كريستيان ەلشون مەن ستەفان كوزلوۆتى قاپى قالدىرعان جەرلەسىمىز شيرەك فينالدا تاعى امەريكالىق تەننيسشى حارريسون ادامسپەن شەبەرلىك بايقاستى.

22 جاستاعى ادامس الەمدىك رەيتينگتە 444 ورىندا تۇر. دميتري پوپكو اتر تىزىمىندە 623 ساتىعا جايعاسقان. سوعان قاراماستان جەڭىسكە جەتۋ ءۇشىن وتانداسىمىز بۇل باسەكەدە بارىن سالىپ, كوزدەگەن ماقساتىنا قول جەتكىزدى. ءۇش سەتتىك سايىس 6:4, 4:6, 6:3 ەسەبىمەن اياقتالدى.

جارتىلاي فينالدا تاعى دا جەرگىلىكتى تەننيسشىمەن كەزدەستى. اتر تىزىمىندە 470 ورىندا تۇرعان 25 جاستاعى الەكساندر ريچاردتى ۇتۋ وعان ەش قيىندىق تۋعىزعان جوق. دميتري 6:3, 6:2 ەسەبىمەن جەڭىسكە جەتتى. فينالدا وتانداسىمىز اقش-تىڭ ويىنشىسى سەباستيان كوردپەن كۇش سىناسادى.