«قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆ 9 ساۋىردە مەرزىمىنەن بۇرىن پرەزيدەنتتىك سايلاۋ وتكىزۋ تۋرالى جارلىققا قول قويدى. بۇل شەشىمنىڭ ءوز ۋاقىتىندا جانە ورىندى قابىلدانىپ وتىرعانىنا مەن سەنىمدىمىن. پرەزيدەنت جارلىعى قوعامدا تۋىنداپ وتىرعان كوپتەگەن سۇراقتارعا جاۋاپ بەرەدى. قازاقستاندىقتار ءۇشىن ەڭ قىمبات قۇندىلىق – بەيبىتشىلىك پەن تىنىشتىق, ەكونوميكالىق تۇراقتىلىق اسا قاجەت. مىنە, سوندىقتان قازاقستان قوعامى ەلباسىنىڭ ستراتەگيالىق باعىتىنىڭ ساباقتاستىعىن زاڭدى تۇردە قامتاماسىز ەتىلۋىن كۇتۋدە», دەدى د.نازارباەۆا.
بۇدان سوڭ, ول تاۋەلسىزدىك جىلدارىنداعى قازاقستاننىڭ دامۋ مودەلى مەن ەلدەگى الەۋمەتتىك-ەكونوميكالىق تۇراقتىلىق جايىندا ءسوز ەتتى.
«الداعى سايلاۋ ءبىزدىڭ حالقىمىزدىڭ دانالىعى مەن كورەگەندىگىن تاعى دا دالەلدەيتىنى ايقىن. پرەزيدەنتتىك سايلاۋ ەل دامۋىنا تىڭ سەرپىلىس, جاڭا سەرپىن بەرەتىنى ءسوزسىز. پرەزيدەنت جارلىعى وسى باعىتتاعى جۇمىستاردى قازىردەن باستاپ, كۇردەلى پروبلەمالاردى كەيىنگە قالدىرماي, شۇعىل شەشۋگە مۇمكىندىك بەرەدى», دەدى پارلامەنت سەناتىنىڭ توراعاسى.
ونىڭ ايتۋىنشا, كونستيتۋتسيالىق زاڭعا سايكەس سايلاۋ ەكى اي مەرزىم ىشىندە وتكىزىلۋى ءتيىس.
«سايلاۋ ناۋقانى ارقايسىمىز ءۇشىن اسا جاۋاپتى جۇمىستار كەزەڭى بولىپ سانالادى. ازاماتتاردىڭ ءوز ەركىن اشىق ءبىلدىرۋى تاۋەلسىز قازاقستاننىڭ ۇلكەن جەڭىستەرىنىڭ ءبىرى. ءبىزدىڭ ورتاق مىندەتىمىز – قازاقستان رەسپۋبليكاسى پرەزيدەنتى سايلاۋىن ءادىل, زاڭدى جانە اشىق وتكىزۋدى قامتاماسىز ەتۋ بولىپ تابىلادى», دەدى داريعا نازارباەۆا.