قولدانىستا زاڭ بويىنشا سوڭعى 15 جىلدا قازاقستاننان قونىس اۋدارماعان, 40 جاستان اسقان جانە مەملەكەتتىك ءتىلدى ەركىن مەڭگەرگەن قازاقستاننىڭ كەز كەلگەن ازاماتى پرەزيدەنتتىك سايلاۋعا تۇسە الادى.
كەشەلى بەرى ساياساتتانۋشىلار اراسىندا «قازىرگى پرەزيدەنت قاسىم-جومارت كەمەلۇى توقاەۆتىڭ 2011-2013 جىلدار ارالىعىندا بۇۇ باس حاتشىسىنىڭ ورىنباسارى بولىپ ىستەگەن ءۇش جىل كەدەرگى كەلتىرمەي مە؟» دەگەن ساۋالدار ءجيى ايتىلا باستادى.
ادىلەت ۆيتسە-ءمينيسترى ناتاليا پان بىزگە بەرگەن سۇحباتىندا بۇل كەزەڭ ءىس-ساپارمەن بايلانىستى بولعانىن ايتتى. دەمەك, بۇۇ-داعى ءۇش جىل قاسىم-جومارت كەمەل ۇلىنىڭ پرەزيدەنتتىك سايلاۋعا تۇسۋىنە كەدەرگى بولا المايدى.
بۇگىن ءتۇس اۋا ۆيتسە-سپيكەر گۇلميرا يسيمباەۆا جۋرناليستەرمەن كەزدەسكەن كەزدە ديپلوماتتار ءتارىزدى قاسىم-جومارت كەمەل ۇلى 3 جىل ءىس-ساپاردا بولعانىن, بۇل شەتەلگە تۇپكىلىكتى قونىس اۋداردى دەگەندى بىلدىرمەيتىنىن ايتتى.