قازاقستاندا مەملەكەت باسشىسىنىڭ تاپسىرماسى بويىنشا باستاماشىلىق ەتىلگەن وتباسىلاردى قولداۋعا ارنالعان اۋقىمدى مەملەكەتتىك «اڭساعان ءسابي» باعدارلاماسىن ىسكە اسىرۋ قورىتىندىلارى شىعارىلدى, دەپ حابارلايدى Egemen.kz.
بۇل باعدارلاما 2021-2025 جىلدار ارالىعىندا قوسالقى رەپرودۋكتيۆتىك تەحنولوگيالاردىڭ قولجەتىمدىلىگىن ارتتىرۋدىڭ نەگىزگى تەتىگىنە اينالىپ, مىڭداعان قازاقستاندىق جۇپقا اتا-انا بولۋ باقىتىنا قول جەتكىزۋگە مۇمكىندىك بەردى.
دەنساۋلىق ساقتاۋ مينيسترلىگىنىڭ مالىمەتىنشە, قابىلدانعان شەشىمدەردىڭ ناتيجەسىندە مىندەتتى الەۋمەتتىك مەديتسينالىق ساقتاندىرۋ جۇيەسىندە جىل سايىن بولىنەتىن كۆوتالاردىڭ سانى 7 ەسەگە ۇلعايتىلىپ, جىلىنا 7 مىڭ كۆوتاعا دەيىن جەتتى.
سوڭعى بەس جىلدىڭ ىشىندە جۇيەلى مەملەكەتتىك قولداۋدىڭ ارقاسىندا باعدارلاما جوعارى كلينيكالىق تيىمدىلىگىن كورسەتتى.
«وسى كەزەڭدە 28 مىڭنان استام ايەل ەكستراكورپورالدىق ۇرىقتاندىرۋ (ەكۇ) راسىمىنەن ءوتتى. ناتيجەسىندە 12 مىڭنان استام ايەل جۇكتىلىك بويىنشا ەسەپكە الىنىپ, شامامەن 11 مىڭ كوپتەن كۇتكەن ءسابي دۇنيەگە كەلدى», دەلىنگەن حابارلامادا.
تۇراقتى جوعارى ناتيجەلەردى قامتاماسىز ەتۋ ماقساتىندا دەنساۋلىق ساقتاۋ مينيسترلىگى بەس جىل بويى ەكۇ قىزمەتتەرىن كورسەتەتىن مەديتسينالىق ۇيىمداردىڭ قىزمەتىنە تۇراقتى مونيتورينگ جۇرگىزىپ كەلەدى.
«اڭساعان ءسابي»: ۇكىلى ءۇمىت, يگەرىلمەگەن كۆوتا
بۇل قاتاڭ باقىلاۋ ءمامس قاراجاتىنىڭ ۇتىمدى پايدالانىلۋىن قامتاماسىز ەتىپ, ءاربىر پاتسيەنت ءۇشىن تابىستى ناتيجەگە قول جەتكىزۋگە باعىتتالعان كورسەتىلەتىن مەديتسينالىق كومەكتىڭ جوعارى ساپاسىن ساقتاۋعا مۇمكىندىك بەرەدى.
قوستاناي وبلىسىندا «اڭساعان ءسابي» باعدارلاماسىنا بولىنەتىن كۆوتا كولەمى ارتتى