ۇكىمەت مەملەكەت باسشىسى قاسىم-جومارت توقاەۆ بەرگەن تاپسىرمالاردى جۇزەگە اسىرۋ اياسىندا اقتاۋ قالاسىندا قۋاتى 160 مۆت بولاتىن بۋ-گاز قوندىرعىسىن سالۋ جونىندەگى ينۆەستيتسيالىق كەلىسىمگە قول قويۋدى ماقۇلدادى. كەلىسىم قازاقستان رەسپۋبليكاسىنىڭ ەنەرگەتيكا مينيسترلىگى مەن «اقتاۋ ەنەرگەتيكا كومپانياسى» جشس اراسىندا جاسالادى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
اقتاۋ ەنەرگەتيكا كومپانياسى 2024 جىلى قىتايدىڭ ەلەكتر ەنەرگياسىن وندىرەتىن بەس ءىرى ۇلتتىق كومپانياسىنىڭ قاتارىنا كىرەتىن مەملەكەتتىك China Huadian Corporation Ltd. كورپوراتسياسىمەن بىرلەسىپ قۇرىلعان.
جوبانىڭ جالپى ينۆەستيتسيا كولەمى شامامەن 108 ملرد تەڭگەنى قۇرايدى. ونىڭ 70%-ىن قىتايلىق ينۆەستور, ال 30%-ىن قازاقستاندىق تاراپ قامتاماسىز ەتەدى. «ماەك» جشس الاڭىندا سالىناتىن بۋ-گاز قوندىرعىسىن پايدالانۋعا بەرۋ 2027 جىلدىڭ ماۋسىمىنا جوسپارلانعان.
كەلىسىم شارتتارىنا سايكەس, ينۆەستور قازاقستاندىق ماماندار ءۇشىن 300-دەن استام جاڭا جۇمىس ورنىن اشۋعا مىندەتتەلەدى. سونىمەن قاتار «ەلەكتر ەنەرگەتيكاسى» ماماندىعى بويىنشا قىزمەتكەرلەردى قىتايدىڭ سالالىق جوعارى وقۋ ورىندارىندا ماگيستراتۋرادا وقىتۋعا جىل سايىن گرانتتار بەرۋ قاراستىرىلعان. بۇدان بولەك, قازاقستاندىق كادرلاردىڭ بىلىكتىلىگىن ارتتىرۋعا باعىتتالعان باعدارلامالاردى جۇزەگە اسىرۋ جانە ۇزدىكسىز ءبىلىم بەرۋ جۇيەسىن ەنگىزۋ جوسپارلانىپ وتىر.
كەلىسىم مەرزىمى اياقتالعاننان كەيىن بۋ-گاز قوندىرعىسى «ماەك» جشس تەڭگەرىمىنە وتەۋسىز بەرىلەدى.
قازاقستان ۇكىمەتى مەن ازيا دامۋ بانكى 15 جاڭا جوبانى جۇزەگە اسىرادى
ەستەرىڭىزگە سالا كەتەيىك, بۇعان دەيىن اقتاۋ ەنەرگەتيكا كومپانياسى «ماەك» جشس-ءنىڭ قولدانىستاعى قۋاتتارىن كەڭەيتۋ جۇمىستارىن باستاعان بولاتىن.
جالپى, ينۆەستيتسيالار قۋات تاپشىلىعىن تولتىرۋدى قامتاماسىز ەتۋگە, ءوڭىردى ەلەكترمەن جابدىقتاۋ سەنىمدىلىگىن ارتتىرۋعا جانە تۇتاستاي العاندا ەلدىڭ ەنەرگيا جۇيەسىنىڭ تۇراقتىلىعىن نىعايتۋعا مۇمكىندىك بەرەدى.
ۇكىمەت كاسپيدى زەرتتەۋگە 1,1 ملرد تەڭگە ءبولدى