14 ناۋرىزدا قازاقستاندا جالپىحالىقتىق ناۋرىزناما ونكۇندىگى باستالادى. مەرەكەلىك ونكۇندىكتىڭ العاشقى كۇنى – «كورىسۋ كۇنى – امال مەرەكەسى» – جىلى جۇزدەسۋلەرگە, ىزگى تىلەكتەر ايتۋعا, ۇلكەنگە قۇرمەت كورسەتۋگە جانە قوعامداعى تاتۋلىق پەن كەلىسىمدى نىعايتۋعا ارنالادى, دەپ جازادى Egemen.kz.
بۇل كۇن ناۋرىز مەيرامىنىڭ باستاۋىن ءبىلدىرىپ, ادامداردىڭ ءبىر-بىرىنە ىقىلاس تانىتىپ, ءداستۇر ساباقتاستىعىن جالعاستىراتىن بىرلىك پەن ىزگىلىكتىڭ نىشانى سانالادى.
مەرەكەلىك باعدارلامانىڭ نەگىزگى وزەگىن رەسپۋبليكالىق مادەنيەت ۇيىمدارىنىڭ ءىس-شارالارى قۇرايدى.
قازاقستان رەسپۋبليكاسىنىڭ ۇلتتىق ورتالىق مۋزەيىندە «كورىسۋ كۇنى – تاتۋلىقتىڭ باستاۋى» اتتى مادەني-تانىمدىق ءىس-شارا وتەدى. ۇلتتىق مۋزەيدىڭ اتريۋمىندا «امال مەرەكەسى – ىزگىلىك پەن بىرلىكتىڭ بەلگىسى» اتتى باعدارلاما ۇيىمداستىرىلادى. قۇددىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترى «ناۋرىز – تەاترلار مەن مادەنيەتتەردىڭ قاۋىشۋ مەرەكەسى» جوباسىن ۇسىنادى. «استانا وپەرا» تەاترىندا «كۇيمەن كەلگەن كورىسۋ» اتتى كونتسەرت وتسە, ءابىلحان قاستەەۆ اتىنداعى مەملەكەتتىك ونەر مۋزەيىندە «كورىسۋ كۇنى – امال مەرەكەسى» اكتسياسى ۇيىمداستىرىلادى.
استانادا ۇلتتىق ويىندارعا ارنالعان «Tartys Fest» فەستيۆالى وتەدى. فەستيۆال اياسىندا ارقان تارتۋ جارىستارى جاساندى ينتەللەكت تەحنولوگيالارىن قولدانا وتىرىپ وتكىزىلەدى. الماتى قالاسىندا كوكتوبە الاڭىندا قازاقستاندىق ەسترادا جۇلدىزدارىنىڭ قاتىسۋىمەن «كورىسۋ كۇنى – امال مەرەكەسى» اتتى مەرەكەلىك كونتسەرت ۇيىمداستىرىلادى.
بۇل كۇنى مەرەكەلىك ءىس-شارالار ەلىمىزدىڭ وڭىرلەرىن دە قامتيدى. اقمولا وبلىسىندا «كورىسۋ كۇنى» داستۇرىنە ارنالعان كونتسەرتتىك باعدارلامالار جوسپارلانعان. تۇركىستان وبلىسىندا «كورىسۋ كۇنى – امال مەرەكەسى» اتتى وبلىستىق چەللەندج وتەدى. ال, باتىس قازاقستان وبلىسىندا كورەرمەندەرگە «ناۋرىز دۋمان» اتتى مەرەكەلىك كونتسەرت ۇسىنىلادى.
ناۋرىزناما ناقىشى
وسىلايشا, «كورىسۋ كۇنى» ناۋرىزناما ونكۇندىگىن اشاتىن, ۇلتتىق داستۇرلەر مەن مادەني قۇندىلىقتاردى زاماناۋي قوعامدىق مازمۇنمەن ساباقتاستىراتىن ەرەكشە كۇن رەتىندە, قوعامدا سىيلاستىق, بىرلىك پەن يگى باستامالار رۋحىن نىعايتا تۇسەدى.
ناۋرىزناما ونكۇندىگى اياسىندا «رەفەرەندۋم – 2026» اتتى ونلاين مارافون وتەدى