پرەمەر-ءمينيستردىڭ ورىنباسارى قانات بوزىمباەۆ ۇلىتاۋ وبلىسىنىڭ سۋ تاسقىنى كەزەڭىنە دايىندىعىن تەكسەردى. جۇمىس ساپارى بارىسىندا ق. بوزىمباەۆ جەزدى وزەنىنىڭ ارناسىنداعى جاعدايمەن تانىسىپ, قارساقپاي, سارلىق, قورعاسىن, بوزتۇمسىق جانە مالشىباي ەلدى مەكەندەرىن سۋ تاسقىنىنان قورعاۋ بويىنشا اتقارىلىپ جاتقان جۇمىستاردى قاراپ شىقتى. سونىمەن قاتار قارساقپاي جانە كەنەنباي بوگەتتەرىن تەكسەردى, دەپ حابارلايدى Egemen.kz.
پرەمەر-ءمينيسترىنىڭ ورىنباسارى جەزقازعان قالاسىنداعى كەڭگىر سۋ قويماسىنا بارىپ, قالا اكىمىنىڭ قازىرگى جاعداي جونىندە بايانداماسىن تىڭدادى.
قازاقستان جولدارىندا سۋ تاسقىنى قاۋپى بار 200-دەن استام ۋچاسكە انىقتالدى
وبلىس اۋماعىندا سۋ تاسقىنى قاۋپى بار 27 ەلدى مەكەن بەلگىلى بولدى. ونىڭ سەگىزىندە سۋ باسۋ قاۋپى ساقتالىپ وتىر, ال قالعان 19 ەلدى مەكەندە جۇرگىزىلگەن ينجەنەرلىك جانە الدىن الۋ شارالارىنىڭ ناتيجەسىندە قاۋىپ ەداۋىر تومەندەدى.
ەلىمىزدە 1242 ەلدى مەكەندە سۋ تاسقىنى بولۋى مۇمكىن
سۋ تاسقىنى كەزەڭىنە دايىندىق اياسىندا وڭىردە 1,6 شاقىرىم قورعانىس دامباسى سالىندى, 3,5 شاقىرىم كانال, 3 شاقىرىم ارىق جانە 350 سۋ وتكىزۋ قۇرىلىسى تازارتىلدى.
ەلىمىزدەگى سۋ تاسقىنى قاۋپى جوعارى وڭىرلەر بەلگىلى بولدى
قازىرگى ۋاقىتتا سارىسۋ, جامان سارىسۋ, تالدىساي, قاراكەڭگىر, جەزدى وزەندەرى مەن كەڭگىر, اقتاستى جانە جەزدى سۋ قويمالارى تۇراقتى باقىلاۋدا تۇر.
ۇلىتاۋ وبلىسى