- «وقجەتپەس» بۇگىن قورعانىس شەبىندە ساۋاتتى ويىن كورسەتتى. ولاردىڭ تاس قامال قورعانىسىن بۇزۋ وڭاي بولعان جوق. ءبىز شابۋىلدى سوڭىنا دەيىن جەتكىزە الماي جاتتىق. دەگەنمەن, كەزدەسۋ بارىسىن تولىقتاي باقىلاۋدا ۇستادىق.
- كوماندا تاكتيكالىق تۇرعىدا وزمەگەندەي كورىندى؟
- ءيا, «اقتوبەگە» قارسى قالاي ويناساق, بۇگىن دە الاڭدا سولاي قيمىلدادىق. كوماندا قۇرامىندا دا وزگەرىس ورىن العان جوق. باس باپكەر ەشتەڭە وزگەرتكەن جوق. تارتىستى كەزدەسۋدە جەڭىسكە جەتتىك.
- ءسىز سۋپەركۋبوك اياسىنداعى كەزدەسۋدى قوسالقى قۇرامنان باستادىڭىز. باس باپكەرگە ءالى دە ءوزىڭىزدى دالەلدەۋ قاجەت پە؟
- مۇمكىن جاتتىعۋ جيىندارىندا دۇرىس ويىن كورسەتپەگەن بولارمىن. ءبىرىنشى ويىندى قوسالقى قۇرامنان باستاعانىممەن, قازىر بارلىعى ءوز ورىنا كەلدى. وسىلاي جالعاسادى دەگەن ۇمىتتەمىن.
- جاڭا ويىنشىلار كوماندا قۇرامىنان كەتكەن كوشباسشىلاردى الماستىرا الدى ما؟
- جاڭا فۋتبولشىلار قۇرامعا تەز ءسىڭىسىپ كەتتى. دورين قازىردىڭ وزىندە كومانداعا كومەگىن تيگىزىپ جاتىر. الايدا, ول بۇگىن ءوزىنىڭ بارلىق مۇمكىندىگىن كورسەتە العان جوق. بۇگىن الاڭدا بوس كەڭىستىك از بولعاندىقتان, شابۋىلشىلار ءوز مۇمكىندىكتەرىن پايدالانا المادى. وكىنىشكە وراي, گول سوعاتىن ساتتەر از بولدى.
ەسكە سالا كەتەيىك, «استانا» فۋتبول كلۋبىنىڭ باس سەرىكتەسى - «سامۇرىق-قازىنا» ۇاق اق»