جحل: «سارىارقا» جەڭىسكە جەتتى

قاراعاندىدا وتكەن باسەكەدە سانكت-پەتەربۋرگتىڭ «سكا-نەۆا» كلۋبى قانشا جانتالاسقانىمەن, ايدىن يەلەرىنىڭ وسال تۇسىن تابا المادى. ءبىرىنشى كەزەڭدە قوس كوماندا ءبىر-ءبىرىن الا المادى. ۇزىلىستەن كەيىن جەرلەستەرىمىز قاتارىنان ءۇش مارتە قارسىلاستار قاقپاسىن ءدال كوزدەدى. بۇل گولداردىڭ اۆتورلارى – ولەگ لوماكو (26 مينۋت),  الەكساندر رەموۆ (30 مينۋت) جانە ماكسيم كيتسىن (38 مينۋت). ءۇشىنشى كەزەڭدە قوناقتاردىڭ ءبىر عانا شايبا سالۋعا شاماسى جەتتى. قورىتىنىدى ەسەپ – 3:1.

وسىلايشا, «سارىارقا» پەتروۆ كۋبوگىنىڭ فينالىنا شىعۋعا شاق قالدى. بۇعان دەيىن نەۆا جاعالاۋىندا وتكەن قوس باسەكەدە دە ءبىزدىڭ جىگىتتەردىڭ مەرەيى ۇستەم بولعان. ءتورتىنشى كەزدەسۋ 3 ساۋىردە قاراعاندىدا وتەدى. وسى ويىندا جەڭىسكە جەتسەك, وندا اقتىق سىنعا جولداما الامىز.

عالىم سۇلەيمەن,

«Egemen Qazaqstan»