بريفينگتە باسقارما باسشىسى ق.ابەلدينوۆ جىل باسىنان بەرى ارنايى مونيتورينگتىك توپ مۇشەلەرىمەن جانە جۇرتشىلىقپەن بىرلەسىپ ماڭعىستاۋ وبلىسى بويىنشا ەڭبەك, الەۋمەتتىك قورعاۋ جانە كوشى-قون دەپارتامەنتىنىڭ, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ قىزمەتىندەگى سىبايلاس جەمقورلىق تاۋەكەلدەرىنە جۇرگىزىلگەن سىرتقى تالداۋ ناتيجەلەرىنە توقتالىپ ءوتتى. تالداۋ بارىسىندا سىبايلاس جەمقورلىق تاۋەكەلدەرى بويىنشا بىرقاتار كەمشىلىكتەر انىقتالدى.
نەگىزگى سىبايلاس جەمقورلىق تاۋەكەلدەرى شەتەلدىك جۇمىس كۇشىن تارتۋعا ارنالعان كۆوتانى قالىپتاستىرۋ جونىندەگى كوميسسيانىڭ قىزمەتىندە انىقتالدى.
قازاقستان رەسپۋبليكاسىندا شەتەل جۇمىس كۇشىن تارتۋ جانە ولاردى قازاقستان رەسپۋبليكاسىنىڭ وڭىرلەرى اراسىندا ءبولۋ تۋرالى ەرەجەسىنىڭ (قر ۇكىمەتىنىڭ 15 جەلتوقسان 2016 جىلعى № 802 قاۋلىسىمەن بەكىتىلگەن) 9 جانە 10 تارماقتارىنا سايكەس, كوميسسيا شەشىمى جۇمىس بەرۋشىنىڭ ءاربىر وتىنىشىنە قاتىستى بولەك قابىلدانادى, حاتتامامەن راسىمدەلەدى جانە وتىرىسقا قاتىسقان كوميسسيا مۇشەلەرىنىڭ قولى قويىلادى. شەتەل جۇمىس كۇشىن قاجەت ەتۋى مۇمكىن جۇمىس بەرۋشىلەردىڭ سۇرانىمدارى كوميسسيا تاراپىنان تولىقتاي نەمەسە ءىشىنارا ەڭبەك رەسۋرستارى ەسەبىنەن جۇمىس كۇشىنە قاجەتتىلىكتى, سونىمەن بىرگە جۇمىسسىز ازاماتتاردى, وزدىگىنەن جۇمىس جاسايتىنداردى دايارلاۋ, قايتا دايارلاۋ جانە بىلىكتىلىگىن كوتەرۋ ارقىلى دا قاناعاتتاندىرۋ مۇمكىندىگى بولعان كەزدە قابىلدانباۋى مۇمكىن.
ايتا كەتۋ قاجەت, ماڭعىستاۋ وبلىسىندا ەكونوميكالىق قىزمەت تۇرلەرى بويىنشا شەتەلدىك جۇمىس كۇشىن تارتۋعا كۆوتا 5638 بىرلىكتى قۇرايدى.
الايدا, شەتەل جۇمىس كۇشىن تارتۋعا رۇقسات بەرۋ بارىسىندا جۇمىس بەرۋشىلەرگە باسقارما جانىنداعى كوميسسيا تاراپىنان جۇيەلى تۇردە ەرەجەنىڭ 10-تارماعى ساقتالمايدى.
ياعني, شەتەل جۇمىس كۇشىن تارتۋ زاڭدىلىعى كۇمان تۋعىزادى.
تالداۋ بارىسىندا انىقتالعان سىبايلاس جەمقورلىق تاۋەكەلدەرى بويىنشا ءتيىستى جۇمىستار جۇرگىزىلۋدە.
اگەنتتىكتىڭ اۋماقتىق دەپارتامەنتى مەملەكەتتىك ورگاندار مەن كۆازيمەملەكەتتىك سەكتور قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋدى الداعى ۋاقىتتا جالعاستىراتىن بولادى.
سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ ءۇشىن ماماندار مەن ساراپشىلاردى تارتا وتىرىپ, جۇمىس توپتارى قۇرىلدى. وسىعان بايلانىستى اۋماقتىق دەپارتامەنت بارلىق مۇددەلى تۇلعالاردى سىبايلاس جەمقورلىق تاۋەكەلدەرىن سىرتقى تالداۋعا قاتىسۋعا شاقىرادى.
الداعى ۋاقىتتا «كازاۆتوجول» اق; ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسى, «ۇلتتىق وليمپيادالىق كوميتەتى»; مەديتسينالىق باعىتتاعى ءدارى-دارمەك ساراپتاماسى جانە مەديتسينالىق تەحنيكا ۇلتتىق ورتالىعىندا سىبايلاس جەمقورلىق تاۋەكەلدەرىنە تالداۋ جۇرگىزىلەدى.
سونىمەن بىرگە, اۋماقتىق دەپارتامەنت وكىلى ە.جۇمابايدىڭ ايتۋىنشا, «بيزنەس جانە ينۆەستيتسيالاردى قورعاۋ» جوباسى شەڭبەرىندە جالپى سوماسى 1 ترلن 258 ملرد 610 ملن 212 مىڭ تەڭگەنى قۇرايتىن 18 كومپانيانىڭ ينۆەستيتسيالىق جوبالارى سىبايلاس جەمقورلىققا قارسى سۇيەمەلدەۋ جۇمىستارى جۇرگىزىلەدى. قازىرگى تاڭدا جوبالىق كەڭسەگە 33 ءوتىنىش ءتۇسىپ, 31-ءى وڭ ناتيجەمەن شەشىلدى, ال ەكەۋى قارالۋدا.
ماڭعىستاۋ وبلىسى