جامبىل وبلىستىق ىشكى ساياسات باسقارماسى «وڭىرلىك كوممۋنيكاتسيالار قىزمەتىنىڭ» الاڭىندا قازاقستان رەسپۋبليكاسىنىڭ ۇلتتىق بانكى جامبىل فيليالىنىڭ ديرەكتورى ەۆگەني شارىگين, «ForteBank» اق تاراز قالاسىنداعى فيليالىنىڭ ديرەكتورى گۇلزات بەكنازاروۆانىڭ قاتىسۋىمەن ءباسپاسوز كونفەرەنتسياسى ءوتتى.
سپيكەرلەر «7-20-25». ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» باعدارلاماسى تۋرالى بايانداپ, جۋرناليستەردىڭ سۇراقتارىنا جاۋاپ بەردى.
جيىنعا قاتىسۋشىلار قازاقستان ۇلتتىق بانكى 10 نەگىزگى مىندەت ايقىندالعان 2019 جىلعا ارنالعان ماكروەكونوميكالىق ساياسات شارالارىن ۇيلەستىرۋ تۋرالى كەلىسىمگە قر ۇكىمەتىمەن بىرگە قول قويۋ بويىنشا باستاما جاساعانىن, مىندەتتەردىڭ ءبىرى ەكونوميكانى دامىتۋدى قارجىلىق قولداۋدىڭ مەملەكەتتىك باعدارلامالارىن ىسكە اسىرۋ بولىپ تابىلاتىنىن, اتالعان جوسپارلاردى جۇزەگە اسىرۋ شەڭبەرىندە ۇكىمەت جانە قازاقستان ۇلتتىق بانكى «نۇرلى جەر» جانە «7-20-25» تۇرعىن ءۇي باعدارلامالارىنىڭ جۇمىسىن ىسكە اسىرۋدى جالعاستىراتىنىن اتاپ ءوتتى. اتاپ ايتقاندا, ۇكىمەت قولجەتىمدى تۇرعىن ءۇي ۇسىنىسىن ۇلعايتۋ جونىندەگى شارالاردى قابىلدايدى. ۇلتتىق بانك ءوز كەزەگىندە «7-20-25» باعدارلاماسىن قارجىلاندىرۋدى جالعاستىرادى.
وسى تۇرعىن ءۇي باعدارلامالارىن ىسكە اسىرۋ بيۋدجەتتىك, سول سياقتى جەكە قارجىلاندىرۋ كوزدەرىن تارتا وتىرىپ, حالىقتىڭ ءتۇرلى توپتارىن قولجەتىمدى تۇرعىن ۇيمەن قامتاماسىز ەتۋگە مۇمكىندىك بەرەدى.
«7-20-25». ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق باعدارلاماسى جۇزەگە اسىرىلا باستاعاننان بەرى 2019 جىلعى 28 ناۋرىزداعى جاعداي بويىنشا جامبىل وبلىسىنىڭ سەرىكتەس بانكتەرى 1,19 ميلليارد تەڭگە سوماسىنا 149 ءوتىنىم قابىلدادى. ولاردىڭ ىشىندە 611,4 ميلليون تەڭگە شاماسىنا 75 ءوتىنىم ماقۇلداندى جانە 536,5 ميلليون تەڭگە سوماسىنا 64 كرەديت بەرىلدى. تاراز قالاسىندا «تاراز» الەۋمەتتىك-كاسىپكەرلىك كورپوراتسياسى عيماراتىنىڭ ءبىرىنشى قاباتىندا «7-20-25» باعدارلاماسى بويىنشا اقپاراتتىق ورتالىق اشىلعانى جانە بۇل جەردە سەرىكتەس بانكتەردەن باعدارلاما شەڭبەرىندە تۇرعىن ءۇي الۋ بويىنشا كەڭەس الۋعا بولاتىنى بەلگىلى. سونىمەن قاتار, اتالعان ورتالىقتا «نۇرلى جول» باعدارلاماسى بويىنشا «اراي» ىقشام اۋدانىندا جانە «نۇرلى جەر» باعدارلاماسى بويىنشا 15 ىقشام اۋداندا تۇرعىزىلعان ۇيلەردى وتكىزۋدى ۇسىناتىن جامبىل وبلىسى ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسى وكىلدەرى بار», دەيدى ەۆگەني شارىگين.
حاميت ەسامان,
«Egemen Qazagstan»
جامبىل وبلىسى