اۋىل شارۋاشىلىعى مينيسترلىگى دەلەگاتسياسى ۆيتسە-مينيستر گ. س. يساەۆانىڭ باسشىلىعىمەن قىتاي حالىق رەسپۋبليكاسىنا ساپارى بارىسىندا پەكين قالاسىندا قحر كوممەرتسيا مينيسترلىگىمەن كەلىسسوزدەر جۇرگىزىلدى. بۇل تۋرالى اشم ءباسپاسوز قىزمەتى حابارلادى.
قحر كوممەرتسيا مينيسترلىگى قىتايدىڭ قازاقستاننان اۋىل شارۋاشىلىعى ونىمدەرى مەن ازىق-ت ۇلىك ونىمدەرىن يمپورتتاۋعا دەگەن جوعارى قىزىعۋشىلىعىن اتاپ ءوتتى.
بۇل رەتتە, قىتاي تاراپى قازاقستاندىق اۋىل شارۋاشىلىعى ونىمدەرىنىڭ ەكولوگيالىق تازالىعىن اتاپ ءوتتى.
تاراپتار اۋىل شارۋاشىلىعى ونىمدەرىن ساتۋ جانە قازاقستان-قىتاي ساۋدا-ەكونوميكالىق ىنتىماقتاستىق جونىندەگى كوميتەتىنىڭ جانىنداعى ىنتىماقتاستىق جونىندەگى جۇمىس توبى شەڭبەرىندە كەلەسى باعىتتار بويىنشا ىنتىماقتاسۋعا ۋاعدالاستى:
- قحر كوممەرتسيا مينيسترلىگىنىڭ قولداۋىمەن قازاقستاننان قىتايعا يمپورتتىق تاپسىرىستاردى ۇيىمداستىرۋ (مىسالى, وڭىرارالىق ىنتىماقتاستىق شەڭبەرىندە شانسي پروۆينتسياسىنا قازاقستاندىق اۋىل شارۋاشىلىعى ونىمدەرىن جەتكىزۋ);
- وڭىرارالىق ىنتىماقتاستىقتى كۇشەيتۋ, اعىمداعى جىلدىڭ كوكتەمىندە قر-دا وڭىرارالىق ىنتىماقتاستىقتىڭ ەكىنشى فورۋمىن وتكىزۋ;
− ەلەكتروندى ساۋدا الاڭدارى ارقىلى قازاقستاندىق اۋىل شارۋاشىلىعى ونىمدەرىن قىتاي نارىعىنا جىلجىتۋ, جۇمىس توبىنىڭ كەزەكتى وتىرىسى اياسىندا اوك ونىمدەرىنىڭ ەلەكتروندىق ساۋداسى بويىنشا پراكتيكالىق سەمينار وتكىزۋ;
- «قورعاس» شىحو-دا ۆەتەرينارلىق جانە فيتوسانيتارلىق زەرتحانا مەن ەلەكتروندىق ساۋدا الاڭىن قۇرۋ بويىنشا پيلوتتىق جوبانى جۇزەگە اسىرۋ»;
- شىعىس قازاقستان وبلىسىندا بىرلەسكەن ۆەتەريناريالىق زەرتحانا قۇرۋ بويىنشا پيلوتتىق جوبانى جۇزەگە اسىرۋ.