26 اقپانداعى جاعدايعا سايكەس ەلورداداعى قاتتى وتىننىڭ جالپى قورى 12 427,48 توننانى قۇرايدى, دەپ حابارلايدى استانا قالاسى اكىمدىگىنىڭ رەسمي سايتى.
كەشە ەلورداعا 1 878 توننا كومىر اكەلىندى. ونىڭ 770 تونناسى – «شۇباركول», 280 تونناسى – «قاراجىرا», 828 تونناسى – «مايكوبە» كومىرى. ال كومىر باعاسى تومەندەگىدەي: «شۇباركول» تونناسى – 11 300 تەڭگە, «قاراجىرا» تونناسى – 12 700, «مايكوبە» تونناسى – 12 000 تەڭگە, «بوگاتىر كومىر» – 9 000 تەڭگە, «كۋزنەتسكي» – 12 250 تەڭگە.
استانا قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باعا ءوسىمىنىڭ الدىن الۋ ماقساتىندا كومىر ساتۋشىلارمەن مەموراندۋمدارعا قول قويدى. بۇگىنگى تاڭدا كومىر نارىعىنداعى جاعداي قالىپتى, پروبلەمالىق ماسەلەلەر جوق.
استانا قالاسىنىڭ اكىمدىگى كومىر نارىعىنداعى جاعدايدى كۇن سايىن مونيتورينگتەن وتكىزىپ, ءوزىنىڭ تۇراقتى باقىلاۋىنا العان. «I-Kومەك 109» نەگىزىندە تۇرعىندارعا ارنالعان جەدەل جەلى قۇرىلدى.