اقتوبە وبلىسى اكىمدىگىندە ەلباسىنىڭ 2018 جىلدىڭ 10 قاڭتارىنداعى ء«تورتىنشى يندۋستريالدى رەۆوليۋتسيا جاعدايىندا دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىنىڭ جۇزەگە اسىرىلۋىنا تالداۋ جاسالدى. وسى ماسەلەگە ارنالعان جيىندا كاسىپورىنداردى جاڭعىرتۋ, تسيفرلاندىرۋ, ونەركاسىپتى دامىتۋ سۇراقتارى قارالدى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى حابارلادى.
«2018 جىلى 85 ملرد تەڭگەگە 55 كاسىپورىن جاڭعىرتىلدى. بۇل كاسىپورىنداردا مۇناي مەن گاز ءوندىرۋ 10%, ال ەڭبەك ونىمدىلىگى 15% وسكەن. 2019 جىلى 85 ملرد تەڭگەدەن استام قاراجاتقا ەلۋدەن اسا كاسىپورىن جاڭعىرتىلدى. الداعى بەسجىلدا 600 ملرد. تەڭگەگە كاسىپورىنداردى جاڭعىرتۋ جانە تسيفرلاندىرۋ جوسپارلانىپ وتىر»,- دەپ ەسەپ بەردى اكىم ورىنباسارى قايرات بەكەنوۆ.
2018 جىلدىڭ قورىتىندىسى بويىنشا 5,5 ملرد تەڭگە سوماعا وبلىس اۋماعىندا «ەكسپو-2017»-دە كورسەتىلگەن جاڭا تەحنولوگيالاردىڭ التى جوباسى ەنگىزىلدى.
ماڭىزدى جەتىستىكتەردىڭ ءبىرى قۇنى 33 ملرد تەڭگە بولاتىن جاڭارتىلاتىن ەنەرگيا كوزدەرى سالاسىنداعى جوبانى جاساۋ ءۇشىن ENI جانە General Electric ترانسۇلتتىق كورپوراتسيالارىن تارتۋ بولىپ تابىلادى. 2022 جىلعا دەيىن 60,6 ملرد تەڭگەگە ەكسپو تەحنولوگيالارىن ەنگىزە وتىرا تاعى 15 جوبانى جۇزەگە اسىرۋ جوسپارلانىپ وتىر.
سوڭعى ەكى جىلدا ونەركاسىپ ءوسىمىنىڭ قارقىنى 5%-دى قۇرايدى. وڭدەۋ ونەركاسىبىندەگى فيزيكالىق كولەمنىڭ يندەكسى 108,8% قۇرادى. ءوڭىر ونەركاسىبىنىڭ جالپى قۇرىلىمىنداعى وڭدەۋ ونەركاسىبىنىڭ ۇلەسى 9% ( 24%-دان 33% دەيىن) ءوستى.
پرەزيدەنتتىڭ ەكونوميكا سالالارىن تسيفرلاندىرۋ جونىندەگى تاپسىرماسىن ورىنداۋ اياسىندا ءبىلىم بەرۋ, دەنساۋلىق ساقتاۋ, كولىك, تكش مەن قاۋىپسىزدىك سىندى بەس باسىم باعىت بويىنشا جۇمىستار جۇرگىزىلدى.
ناتيجەسىندە, بالاباقشاعا كەزەككە تۇرۋدى قالىپتاستىرۋ جانە جولداما بەرۋ بويىنشا مەملەكەتتىك قىزمەت اۆتوماتتاندىرىلدى. دەنساۋلىق ساقتاۋ نىساندارى ينتەرنەتپەن 100% جابدىقتالعان.
اقتوبەدە «سمارت-سيتي» تۇجىرىمداماسى اياسىندا اۆتوبۋس پاركىن GPS-ترەكەرلەرمەن جاراقتاندىرۋ, قوعامدىق كولىكتى ديسپەتچەرلەيتىن ورتالىق قىزمەت, «اكتوبەBUS» ءموبيلدى قوسىمشاسى, «اقىلدى قوندىرعىلار» سىندى «اقىلدى كولىك» جوبالارى جۇزەگە اسىرىلدى. قالالىق باعىتتاعى ون اۆتوبۋسقا پيلوتتىق رەجيمدەگى ەلەكتروندى بيلەت جۇيەسى ورناتىلعان.
ەكونوميكانىڭ اگرارلىق سەكتورىن تسيفرلاندىرۋ دا بەلسەندى تۇردە جۇزەگە اسىرىلىپ جاتىر. 2018 جىلدىڭ قورىتىندىسى بويىنشا 516,1 ميلليارد تەڭگە ينۆەستيتسيا تارتىلعان. 60,4 ملرد تەڭگە سوماعا 11 ينۆەستيتسيالىق جوبا ەنگىزىلدى. ولاردىڭ ىشىندەگى ەڭ ۇلكەنى - قۇنى 45 ملرد. تەڭگە بولاتىن «Gas processing Company» جشس گاز وڭدەۋ كەشەنى.
وتكەن جىلدىڭ قورىتىندىسى بويىنشا وڭىردە شاعىن جانە ورتا بيزنەس ينديكاتورلارىن ارتتىرۋدىڭ وڭ ديناميكاسى بايقالادى.
وبلىس اكىمىنىڭ ورىنباسارى مارات توقجانوۆ پرەزيدەنت جولداۋىنىڭ ءبىلىم بەرۋ, دەنساۋلىق ساقتاۋ جانە جاستار ساياساتى سالالارىنداعى «ادامي كاپيتال – جاڭعىرۋدىڭ نەگىزى» تاپسىرماسىنىڭ ورىندالۋ بارىسى تۋرالى باياندادى.
ء«بىز بىلتىر مەملەكەت باسشىسىنىڭ بارلىق سالالار بويىنشا 138 تارماقتان تۇراتىن جولداۋىن ورىنداۋ شارالارىنىڭ جوسپارىن قابىلدادىق. ءوز ورىنباسارلارىما, جاۋاپتى مەملەكەتتىك ورگانداردىڭ باسشىلارىنا جوسپاردىڭ بارلىق تارماقتارىنىڭ جۇزەگە اسىرىلۋ بارىسىن قاتاڭ باقىلاۋدا ۇستاۋعا تاپسىرامىن. وبلىس ەكونومكياسىن ءارى قاراي دامىتىپ, حالىقتىڭ ءال-اۋقاتىن جاقسارتۋ ءۇشىن ەلباسى تاپسىرماسىن ساپالى جۇزەگە اسىرۋىمىز كەرەك»,- دەدى جيىندى تۇيىندەگەن وبلىس اكىمى بەردىبەك ساپارباەۆ.