16 اقپان كۇنى شىمكەنتتەگى اباي اۋدانىنا قاراستى قۇرساي شاعىناۋدانىنداعى ءورت وقيعاسىنان امان قالعان وتباسىعا قالالىق پوليتسيا دەپارتامەنتى اباي اۋداندىق پوليتسيا باسقارماسىنىڭ يۋۆەنالدىق پوليتسيا بولىمشەسىنىڭ ۇجىمى قايىرىمدىلىق جاسادى. يۋپب كىزمەتكەرلەرى ورتەنگەن ءۇيدىڭ كامەلەتكە تولماعان ءۇش بالاسىنا كومەك رەتىندە ازىق-ت ۇلىك جانە كورپە جاستىق الىپ كەلىپ تاپسىردى.
ءدال وسى كۇنى 13 جاستاعى جەتكىنشەك تۇتىنگە تۇنشىعىپ ۇيدە قالىپ كەتكەن ەكى بالانى قۇتقارىپ قالعان بولاتىن. ءتىلسىز جاۋدىڭ قورشاۋىندا قالعان قوس بالاقايدىڭ ءومىرىن ساقتاپ قالعان باقىتجان بەركىنبايدى توتەنشەلىكتەر ماقتاپ, ماراپاتتاعان ەدى.
60 شارشى مەتر اۋماقتى شارپىعان ءورتتى توتەتنشەلىكتەر 1 ساعاتتان استام ۋاقىت ىشىندە سوندىرگەن. الايدا, ءۇي ىشىندەگى دۇنيە-مۇلك تۇگەلدەي ورتكە كەتكەن.
ال, اتا-انالارى جۇمىستا بولىپ, جاسوسپىرىمدەردى ۇيدە قاراۋسىز قالدىرعان. ۇرپاقتارىن ايتىپ كەلمەگەن اپاتتان امان الىپ قالعان باتىر بالا باقىتجان مەن قىستىڭ كوزى قىراۋدا الەۋمەتتىك كومەك كورسەتكەن پوليتسەيلەرگە وتاعاسى العىستان باسقا ايتارىمىز جوق دەپ وتىر.
الداعى ۋاقىتتا جەرگىلىكتى اۋدان اكىمدىگى توتەنشە جاعداي كەزىندە شىعىنعا ۇشىراعان وتباسىعا ءتيىستى كومەك كورسەتىلەدىگىن جەتكىزدى.
نۇرشات توكەن,
«Egemen Qazaqstan»
شىمكەنت