استاناداعى «ۋاقىتشا باسپانادا» بەس بالا ورتتەن مەرت بولدى. بۇل تۋرالى ىشكى ىستەر مينيسترلىگىنىڭ توتەنشە جاعدايلار كوميتەتىنىڭ ءباسپاسوز قىزمەتى حابارلادى.
«4 اقپاندا ساعات 2:34-تە استاناداعى تجد «101» تەتىگىنە سارىارقا اۋدانى شىڭعىستاۋ كوشەسىندەگى جەكە تۇرعىن ءۇيدىڭ اۋلاسىنداعى بولەك تۇرعان ۋاقىتشا باسپانادان ءورت شىققانى تۋرالى حابار كەلىپ تۇسكەن. ءورتتى ءسوندىرۋ كەزىندە 2006, 2008, 2013, 2015 جانە 2018 جىلى تۋعان بەس بالانىڭ مايىتتەرى تابىلدى. ولاردىڭ اتا-انالارى جۇمىستا بولعان» دەپ حابارلادى ءىىم تجك رەسمي وكىلى نۇرسۇلتان نۇراحمەتوۆ.
ونىڭ ايتۋىنشا, وقيعا ورنىنا جەتكەن ءورت سوندىرۋشىلەر جالىندى 3:06-دا اۋىزدىقتاپ, 3:24-تە تولىق سوندىرگەن.ء ورتتى سوندىرۋگە استانا تجد بەس بىرلىك ءورت ءسوندىرۋ تەحنيكاسى مەن جەكە قۇرامداعى 17 ادام جانە تجك وواجقج بىرلىك تەحنيكاسى مەن جەكە قۇرامداعى ءتورت ادام جۇمىلدىرىلعان.