قازاقستان پرەزيدەنتى قىزىلوردا وبلىسىنا جاڭا اكىم تاعايىنداۋ تۋرالى جارلىققا قول قويدى. بۇل تۋرالى اقوردا ءباسپاسوز قىزمەتى مالىمدەدى, دەپ حابارلايدى Egemen.kz.
قابىلدانعان شەشىمگە سايكەس, مۇرات ەرگەشباەۆ قىزىلوردا وبلىسىنىڭ اكىمى بولىپ تاعايىندالدى.
مۇرات نالقوجا ۇلى ەرگەشباەۆ 1966 جىلعى 12 ساۋىردە قىزىلوردا قالاسىندا دۇنيەگە كەلگەن.
1989 جىلى الماتى حالىق شارۋاشىلىعى ينستيتۋتىن «ەكونوميست» ماماندىعى بويىنشا تامامداعان. 1999 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ ۇلتتىق جوعارى مەكتەبىن بىتىرگەن.
ەڭبەك جولىن 1989 جىلى سىرداريا اۋدانىنداعى سوۆحوزدا ەكونوميست بولىپ باستاعان. 1990-1993 جىلدارى سىرداريا اگروونەركاسىپ بىرلەستىگىندە وندىرىستىك-ەكونوميكالىق ءبولىم باسشىسى قىزمەتىن اتقاردى. كەيىن «Alem Bank Kazakhstan» اق قىزىلوردا وبلىستىق باسقارماسىندا ءتۇرلى لاۋازىمداردا جۇمىس ىستەگەن.
بۇعان دەيىن ءوڭىردى باسقارعان نۇرلىبەك نالىباەۆ پرەمەر-ءمينيستردىڭ ءبىرىنشى ورىنباسارى قىزمەتىنە تاعايىندالدى.
نۇربولات امانبەك