اقش اسكەري كۇشتەرى يران اۋماعىنداعى كەشم پورتى مەن بەندەر-ابباس قالاسىنداعى بىرقاتار نىسانعا سوققى جاسادى, دەپ حابارلايدى Egemen.kz.
مالىمەتكە سايكەس, وپەراتسيا بارىسىندا زىمىران جانە ۇشقىشسىز ۇشۋ اپپاراتتارىن ۇشىرۋ الاڭدارى, كوماندالىق پۋنكتتەر, سونداي-اق بارلاۋ جانە باقىلاۋ توراپتارى نىساناعا الىنعان.
ۆاشينگتون بۇل ارەكەت يراننىڭ يسلام رەۆوليۋتسياسى ساقشىلار كورپۋسىنىڭ ورمۇز بۇعازىنداعى اقش-تىڭ ءۇش ەسمينەتسىنە جاساعان شابۋىلىنا جاۋاپ رەتىندە جۇرگىزىلگەنىن مالىمدەدى. اقش تاراپى جاعدايدى ۋشىقتىرۋدى كوزدەمەيتىنىن ايتقانىمەن, امەريكالىق اسكەريلەر جوعارى دايىندىق رەجيمىنە كوشىرىلگەن.
دونالد ترامپ يرانمەن كەلىسىمگە كەلۋ ءۇشىن اسكەري وپەراتسيانى توقتاتتى
بۇعان دەيىن يران تاراپى اقش-تى ورمۇز بۇعازىنداعى كەمە قاتىناسىن قالپىنا كەلتىرۋ وپەراتسياسى كەزىندە ءبىتىمدى بۇزدى دەپ ايىپتاعان بولاتىن. تەگەراننىڭ مالىمدەۋىنشە, پەنتاگون يراندىق كەمەلەرگە سوققى جاساعان. كەيىن يراننىڭ يسلام رەۆوليۋتسياسى ساقشىلار كورپۋسى كۇشتەرى امەريكالىق ەسمينەتستەرگە جاۋاپ شابۋىلىن ۇيىمداستىرعان.
نۇربولات امانبەك