نيۋ-يورك پوليتسەيلەرى قازاقستاندىق قىزدى ۇستادى

جەرگىلىكتى CBS NewYork تەلەارناسىنىڭ مالىمەتىنشە, 24 قاڭتاردا پوليتسەيلەر الاياقتىق جاسادى دەگەن كۇدىكپەن 24 جاستاعى ماحاببات ابدۋاليەۆانى ۇستاعان. قازاقستاندىق قىزدىڭ ادامدارعا ءوزىن جىلجىمايتىن م ۇلىك جونىندەگى اگەنت رەتىندە تانىستىرىپ, 2018 جىلدىڭ ءساۋىر-شىلدە ايلارى ارالىعىندا بىرنەشە ادامدى توناعانى ايتىلادى. ول Facebook جەلىسىندە پاتەرلەر جايلى حابارلامالار جاريالاپ, ءوزىن ريەلتورمىن دەپ الداپ جۇرگەن.

باسىلىمنىڭ مالىمەتىنشە, تاعى ءبىر ەر ادام م ۇلىكتى جالعا بەرىپ, الاياقتىق جاسادى دەگەن كۇدىككە ءىلىندى. بىراق ول ءالى بوستاندىقتا. USA.one مالىمەتىنشە, مۇنداي الاياقتىق جاعدايى ءبىرىنشى رەت 2018 جىلدىڭ 30 ساۋىرىندە بولعان. الاياق قىزدىڭ جالدامالى پاتەر جايلى جاريالانعان حابارلاماسىن كورگەن 22 جاستاعى قىز وعان حابارلاسقان. ول ءوزىن ريەلتور تانىستىرعان ادامعا كەپىل رەتىندە 500 دوللار قالدىرىپ كەتكەن. سول كۇنى "م ۇلىك جونىندەگى اگەنت" ول پاتەردى باسقا ءبىر ايەلگە جالعا بەرىپ جىبەرىپ, ودان تاعى 200 دوللار العان.

بىرنەشە ايدان كەيىن وسىنداي جاعداي ميدۆۋدتە قايتالانعان. وندا 25 جاستاعى قىز الاياققا كەپىل رەتىندە 700 دوللار قالدىرعان.

كەيىنىرەك الەۋمەتتىك جەلىلەردە قىزدىڭ پاسپورتى تۇسىرىلگەن سۋرەتتەر تارالدى. وندا ماحاببات ابدۋاليەۆانىڭ قازاقستان ازاماتشاسى ەكەنى كورسەتىلگەن.