كەڭەيتىلگەن جينالىسقا دايىندىق

“نۇر وتان” حالىقتىق-دەموكراتيالىق پارتياسىنىڭ پارلامەنت ماجىلىسىندەگى فراكتسياسى تورالقاسىنىڭ كەزەكتى وتىرىسى ءماجىلىس توراعاسى ورال مۇحامەدجانوۆتىڭ باسشىلىعىمەن ءوتتى. وتىرىستا “قازاقستان رەسپۋب­لي­كاسىنىڭ پرەزيدەنتى ن.نا­زار­باەۆتىڭ 2010 جىلعى 29 قاڭ­تار­داعى “جاڭا ونجىلدىق – جاڭا ەكو­نوميكالىق ورلەۋ – قازاق­ستان­نىڭ جاڭا مۇمكىندىكتەرى” اتتى قازاق­ستان حالقىنا جول­داۋ­ىن­دا جۇك­تەل­گەن مىندەتتەر تۇر­عى­سىندا “2010-2012 جىلدارعا ار­نالعان رەسپۋب­لي­كا­لىق بيۋدجەت تۋ­رالى” زاڭعا وزگە­رىستەر مەن تو­لىق­تىرۋلار ەنگىزۋ تۋ­رالى” ماسەلە بويىنشا فراكتسيا­نىڭ كەڭەي­تىل­گەن جينالىسىنا دايىندىق ماسە­لەسى تالقىلاندى. سونداي-اق كۇن تارتىبىنە ءساي­كەس, تورالقا مۇشەلەرى پارلامەنت ءما­جىلىسى دەپۋتاتتارى – “نۇر وتان” حدپ فراكتسياسى مۇشەلەرى­نىڭ 2010 جىلدىڭ 5-14 اق­پا­نى ارالىعىندا ەل پرەزيدەنتىنىڭ جولداۋىن ءتۇ­سىن­دىرۋ بويىنشا رەسپۋبليكا ءوڭىر­لەرىندە اتقارعان جۇمىستارىنىڭ قورى­تىندىسىن دا قارادى. فراكتسيا توراعاسىنىڭ ورىن­باسارى ۆلاديمير نەحوروشەۆ ال­دىن الا بەكىتىلگەن كەستەگە سايكەس, فراكتسيا مۇشەلەرى 340-تان اسا ەلدى مەكەندى ارالاپ, 100 مىڭنان استام ادامدى قامتىعان 800-دەي كەزدەسۋ وتكىزگەنىن ءمالىم ەتتى. دەپۋتاتتاردىڭ حالىقپەن وتكىزگەن كەزدەسۋلەرى “نۇر وتان” حدپ وڭىرلىك فيليالدارىمەن تى­عىز قارىم-قاتىناستا ۇيىمداس­تى­رىل­دى. پارتيانىڭ قوعامدىق قابىل­داۋىندا اتقارىلاتىن جۇمىستارعا دا ايرىقشا نازار اۋدارىلىپ, وسى كەزەڭ ارالىعىندا دەپۋتاتتار تا­راپىنان 1000-نان استام ازا­مات­تىڭ ارىز-وتىنىشتەرى قارال­عانى اتاپ كورسەتىلدى. كەيىننەن دەپۋ­تات­تىق ساۋالدار ارقىلى ءتيىستى رەس­پۋبليكالىق قۇرىلىمدار دەڭ­گەيىن­دە شەشۋ ءۇشىن بىرنەشە ءما­سە­لەلەر باقىلاۋعا الىنعان. پارلامەنت ماجىلىسىندەگى ءباسپاسوز قىزمەتى.