«رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيا حاتشىسى, پرەزيدەنت اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى ايدا بالاەۆا قازىرگى قازاق ادەبيەتى انتولوگيالارىن بۇۇ-نىڭ 6 تىلىنە اۋدارىپ جاتقان اۋدارماشى, رەداكتورلارمەن كەزدەستى. بۇل تۋرالى «قازاقپارات» حاا حابارلادى.
كەزدەسۋدە ۇلىبريتانيا, يسپانيا, فرانتسيا, رەسەي جانە قىتاي مەملەكەتتەرىنەن كەلگەن اۋدارماشى-ادەبيەتشىلەرمەن قازاق ادەبيەتى جيناقتارىن اۋدارۋ بارىسى تالقىلاندى. ايدا عالىمقىزى قازاق ادەبيەتىنىڭ ۇزدىك ۇلگىلەرىن بۇۇ-نىڭ 6 تىلىنە اۋدارۋ باستاماسى بۇرىن-سوڭدى بولماعان ەرەكشە جوبا ەكەندىگىنە توقتالىپ, ء«بىزدىڭ باستى مىندەتىمىز - اۋدارمانىڭ كوركەمدىك ساپاسىن قامتاماسىز ەتۋ. ءبىز ول ءۇشىن قاجەت دۇنيەنىڭ بارلىعىن ىستەپ جاتىرمىز. سوندىقتان, اۋدارماشىلار مەن ءبىزدىڭ اۆتورلاردىڭ وسىنداي كەزدەسۋى وسى مىندەتتى ورىنداۋىمىزعا سەپتىگىن تيگىزەدى دەگەن ۇمىتتەمىن», - دەدى. سونىمەن بىرگە, پرەزيدەنت نۇرسۇلتان نازارباەۆتىڭ «رۋحاني جاڭعىرۋ», « ۇلى دالانىڭ جەتى قىرى» ماقالالارىندا ايتىلعان مادەنيەت پەن ادەبيەتتى دامىتۋعا باعىتتالعان شارالارىمەن تانىستىرىپ, ونى ىسكە اسىرۋعا اتسالىسۋعا شاقىردى.