پايعامبارىمىز مۇحاممەدتىڭ (س.ع.س.) تۋعان ايىنا وراي ن.پوگودين اتىنداعى ورىس دراما تەاترىندا «عيبراتقا تولى عۇمىر» اتتى رۋحاني كەش جوعارى دەڭگەيدە اتالىپ ءوتتى.
يگى ءىس-شاراعا قازاقستان مۇسىلماندارى ءدىني باسقارماسىنىڭ شاريعات ءبولىمىنىڭ مەڭگەرۋشىسى سانسىزباي قۇربان ۇلى, ەگيپەت يسلام مادەنيەتى ۋنيۆەرسيتەتى رەكتورىنىڭ كەڭەسشىسى مايامەروۆ ەرجان مالعاجى ۇلى, ۋنيۆەرسيتەت اپپارات جەتەكشىسى راحىمجان اكىمبەكوۆ, وبلىس اكىمىنىڭ ورىنباسارى قوجاحمەت ماديار دۇيسەنباي ۇلى, قوستاناي وبلىسىنىڭ وكىل يمامى باحىتبەك نۇرعابىل ۇلى, اقمولا وبلىسى وكىل يمامىنىڭ ورىنباسارى قانات الشىنباەۆ جانە جاماعات قاتىستى.
قۇران جانە سالاۋات وقۋمەن باستالعان رۋحاني كەشتە وبلىس اكىمىنىڭ ورىنباسارى م.قوجاحمەت مۇسىلماندار قاۋىمىن ايتۋلى مەرەكەمەن قۇتتىقتادى. نۇر-مۇباراك ۋنيۆەرسيتەتى رەكتورىنىڭ كەڭەسشىسى ە.مايامەروۆ جىلى لەبىزىن بىلدىرسە, شاريعات جانە ءپاتۋا ءبولىمىنىڭ مەڭگەرۋشىسى س.قۇربان ۇلى پايعامبارىمىزدىڭ ءومىرى جايلى ناسيحات ايتتى.
ءماۋلىت كەشىندە جەرگىلىكتى قازاق-تەاتر ۇجىمىنىڭ اتسالىسۋىمەن ءدىني تاربيەگە تولى قويىلىمدار ۇسىنىلدى. تانىمال ءداستۇرلى ءانشى ەرلان ىرىسقالي, اقىن الماس تەمىرباي ءوز ونەرلەرىن جۇرتشىلىققا پاش ەتتى.
كەش سوڭىندا جەتىم بالالار ۇيلەرى تاربيەلەنۋشىلەرىنە «قىزىلجار» ورتالىق مەشىتى دايىنداعان سىيلىقتار تابىستالدى.
«عيبراتقا تولى عۇمىر» اتتى رۋحاني كەشتى قمدب-نىڭ سقو بويىنشا وكىلى, «قىزىلجار» ورتالىق مەشىتىنىڭ باس يمامى كەنجەتاي بايكەمەل ۇلى قورىتىندىلاپ, جۇرتشىلىققا العىسىن ارنادى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.